యధాతధ రాజకీయాల్ని, సెంట్రిస్ట్ ఇంక్రిమెంటలిజాన్ని భరించే ఓపిక కలిగి ఉండటానికి, నేనిప్పటికే చాలా మంది విగత బాలల లోపలి భాగాల్ని చూశాను.

నవంబర్ లో అమెరికన్లు ఎవర్ని ఎన్నుకుంటారో పట్టించుకోటానికి నేనిప్పటికే చాలా మంది విగత బాలల లోపలి భాగాల్ని చూశాను.

డెమొక్రాట్లకు ఓటు వేస్తే “అపాయం తగ్గుతుందన్న” ఐడియాను సీరియస్ గా తీసుకోటానికి నేనిప్పటికే చాలా మంది విగత బాలల లోపలి భాగాల్ని చూశాను.

ఇజ్రాయెల్, దాని పశ్చిమ మిత్ర దేశాల్ని ఎప్పటికైనా క్షమించటానికి నేనిప్పటికే చాలా మంది విగత బాలల లోపలి భాగాల్ని చూశాను.

పశ్చిమ ప్రధాన స్రవంతి మీడియాని ఎప్పటికైనా ఏహ్య భావంతో తప్ప మరోలా చూసేందుకు నేనిప్పటికే చాలా మంది విగత బాలల లోపలి భాగాల్ని చూశాను.

ఇలాంటి పీడకలని సుసాధ్యం చేసిన వ్యవస్థలు, అధికార నిర్మాణాల ఉనికి కొనసాగటాన్ని సహించటానికి నేనిప్పటికే చాలా మంది విగత బాలల లోపలి భాగాల్ని చూశాను.

అమెరికా-కేంద్రక సామ్రాజ్యాన్ని సంపూర్ణంగా నాశనం చేయకుండా ఎప్పటికైనా ఈ భూమ్మీద శాంతి నెలకొనటం సాధ్యమని నమ్మటానికి నేనిప్పటికే చాలా మంది విగత బాలల లోపలి భాగాల్ని చూశాను.

పశ్చిమ నాగరికతను రుగ్మతకు గురై చెడిపోయిందిగా తప్ప మరే విధంగానైనా భావించేందుకు నేనిప్పటికే చాలా మంది విగత బాలల లోపలి భాగాల్ని చూశాను.

ఈ శిశుమేధాన్ని ఆపటానికి నన్ను నేను అంకితం చేసుకోవటం తప్ప మరేదన్నా చేయటానికి నేనిప్పటికే చాలా మంది విగత బాలల లోపలి భాగాల్ని చూశాను.

మన పాలకులకు వ్యతిరేకంగా విప్లవకర యుగధర్మాన్ని ఉధృతం చేయటం తప్ప మరొక ప్రాజెక్టును చేపట్టేందుకు నేనిప్పటికే చాలా మంది విగత బాలల లోపలి భాగాల్ని చూశాను.

ప్రపంచాన్ని ఇదే విధంగా మళ్ళీ చూడ్డానికి, నా లోలోపల ఈ భావనలే మళ్ళీ ఎదుర్కొనేందుకు, సూర్యుడిని నా చర్మంపై మళ్ళీ ఇలాగే కలుసుకునేందుకు, గాలిని నా తల వెంట్రుకలపై మళ్ళీ ఇలాగే కలుసుకునేందుకు, నా కాళ్ళ క్రింద భూమిని మళ్ళీ ఇదే రీతిలో కలుసుకునేందుకు నేనిప్పటికే చాలా మంది విగత బాలల లోపలి భాగాల్ని చూశాను.

జీవం తొణికిసలాడుతున్న బాలల్ని చూసి వాళ్ళ లోపలి భాగాలు ఎక్కడ ఉండాలో అక్కడే భద్రంగానే ఉన్నందుకు రహస్యంగా నాలో నేనే కృతజ్ఞత భావంతో నిండిపోవటం తప్ప మరొక విధంగా భావించటానికి నేనిప్పటికే చాలా మంది విగత బాలల లోపలి భాగాల్ని చూశాను.

నేను మీతో మాట్లాడుతూ నేనిప్పటికే చాలా మంది విగత బాలల లోపలి భాగాల్ని చూశానని చెప్పినందుకు మీ భావోద్వేగాల్ని గాయపరిచానా అన్న సంగతి పట్టించుకునేందుకు నేనిప్పటికే చాలా మంది విగత బాలల లోపలి భాగాల్ని చూశాను.

ఎలాంటి సహేతుక వాదనా మీ దగ్గర మిగలక పోవటమే మీరు నన్ను ఉగ్రవాదిగా పిలుస్తున్నారా, యూదు వ్యతిరేకిగా ముద్ర వేస్తున్నారా, ద్రోహిగా పిలుస్తున్నారా, ఇంకా మరే ఇతర పేరుతో పిలిచేందుకు కారణం అవుతున్నదా అన్న సంగతి పట్టించుకునేందుకు నేనిప్పటికే చాలా మంది విగత బాలల లోపలి భాగాల్ని చూశాను.

ఎన్నెన్ని వివరణలు, సమర్ధనలు, కధలు అల్లి నాకు చెప్పినా అవేవీ ఎప్పటికైనా నన్ను సమాధానపరచ గలవని చెప్పేందుకు నేనిప్పటికే చాలా మంది విగత బాలల లోపలి భాగాల్ని చూశాను.

నేనిప్పటికే చాలా మంది విగత బాలల లోపలి భాగాల్ని చూశాను, అది నన్ను ఏం చేస్తుందా అన్న బెంగ కలుగుతోంది.

————– కేటలిన్ జాన్ స్టోన్

*

*

*

Caitlin Johnstone -Australian Journalist, Poet, Lyricist, Writer