పశ్చిమ దేశాల ఆధిపత్యంలో ఉండే ఫ్రొఫెషనల్ లాన్ టెన్నిస్ రంగంలోకి సెరెనా, వీనస్ సోదరీమణుల రాక ఓ సంచలనం. గ్రౌండ్‌లో అడుగు పెట్టిన ప్రతిసారీ సింహనాదాలతో చెలరేగే చిన్న విలియమ్స్ సెరెనా, ఈ సారి మొదటి రౌండ్ గెలవడంతోటే ఆనందంతో కన్నీటి పర్యంతం అయ్యింది. 13 గ్రాండ్ స్లామ్ టైటిళ్ళను సొంతం చేసుకున్న 29 ఏళ్ళ సెరెనా, ఈ ఏడు వింబుల్డన్ టెన్నిస్ లోకి డిఫెండింగ్ ఛాంపియన్‌గా అడుగు పెట్టకముందు 49 వారాల పాటు టెన్నిస్‌కి దూరంగా గడపవలసి వచ్చింది. కాలిగాయంతో పాటు ఊపిరితిత్తుల్లో రక్తం గడ్డ కట్టడంతో దాదాపు చావుకి చేరువై, తిరిగొచ్చిన సెరెనా తిరిగి టెన్నిస్ గ్రౌండ్ లో అడుగు పెట్టగలనని అనుకోలేదట! అందుకే మొదటి రౌండ్ గెలవడంతోనే టైటిల్ గెలిచినంతగా సంబరపడిపోయింది. ఆ దృశ్యాలివిగో: