గురువారం కొద్దిగా మెరుగుపడిన రూపాయి విలువ శుక్రవారం ఇంకొంత మెరుగుపడిందని మార్కెట్ వార్తలు సూచిస్తున్నాయి. అమెరికన్ రిజర్వ్ బ్యాంకు బెన్ బెర్నాంక్ ప్రకటనతో డాలర్ కొనుగోళ్ళు, రూపాయి అమ్మకాలు పెరగడం వలన చరిత్రలోనే అత్యంత కనిష్ట స్ధాయికి పడిపోయిన రూపాయి శుక్రవారం మధ్యాహ్నానికి డాలర్ కు రు. 59.82 పై ల స్ధాయికి పెరిగిందని తెలుస్తోంది. ఈ పెరుగుదలకు కూడా మళ్ళీ ఫెడరల్ రిజర్వ్ ప్రకటనే దోహదం చేయడం గమనార్హం. ఇండియా కరెంటు ఖాతా లోటు కాస్త…
ఇంటర్నెట్ కంపెనీల ద్వారా ప్రపంచ ప్రజలపై అమెరికా సాగిస్తున్న గూఢచర్యాన్ని, ఏకాంత హక్కుల ఉల్లంఘనను వెల్లడి చేసిన మాజీ సి.ఐ.ఏ టెక్నీషియన్ ఎడ్వర్డ్ స్నోడెన్ కేంద్రంగా అమెరికా బెదిరింపులు కొనసాగుతున్నాయి. మాస్కో విమానాశ్రయంలో చిక్కుకుపోయిన స్నోడెన్ ను వెంటనే తమకు అప్పగించాలనీ, లేకపోతే రష్యా-అమెరికా సంబంధాలు దెబ్బ తింటాయని హెచ్చరించిన అమెరికా, స్నోడెన్ కు రాజకీయ ఆశ్రయం ఇవ్వజూపుతున్న ఈక్వడార్ ను తీవ్రంగా బెదిరిస్తోంది. అమెరికా ప్రభుత్వం లోని వివిధ నాయకులు, అధికారులు ఈక్వడార్ పై వాణిజ్య…
బబూన్ అంటే తెలుగులో కొండముచ్చు అని అర్ధం. గండు కోతి, తిమ్మడు అని కూడా అంటారని అంతర్జాలంలో ఆంగ్ల పదాలకు తెలుగు తదితర భారతీయ భాషలకు అర్ధాలు ఇచ్చే శబ్ద కొష్ ద్వారా తెలుస్తోంది. ఈ గండు కోతులు పెద్ద సంఖ్యలో గుంపులుగా కూడితే దాన్నే కాంగ్రెస్ అంటారట! అమెరికా పార్లమెంటులో దిగువ సభ అయిన ప్రతినిధుల సభ (House of Representatives) ను కూడా కాంగ్రెస్ అంటారు. సభకు ఆ పేరు సరిగ్గా సరిపోయిందని ఈ…
2013 మార్చి మాసాంతానికి భారత దేశ విదేశీ అప్పు 390 బిలియన్ డాలర్లని ఆర్.బి.ఐ తెలిపింది. డాలర్ కి 60 రూపాయల లెక్కన ఇది 23.4 లక్షల కోట్ల రూపాయలకు సమానం. అంతకు ముందరి ఆర్ధిక సంవత్సరం (2011-12) తో పోలిస్తే ఇది 13 శాతం ఎక్కువని తెలుస్తోంది. స్వల్ప కాళిక వాణిజ్య రుణాలు, విదేశీ వాణిజ్య రుణాలు బాగా పెరగడంతో విదేశీ అప్పు విపరీతంగా పెరిగిందని ఆర్.బి.ఐ గురువారం తెలిపింది. కరెంటు ఖాతా లోటు పూడ్చుకోడానికి…
రూపాయి పరిస్ధితి కడు దయనీయంగా మారింది. రిజర్వ్ బ్యాంకు జోక్యం చేసుకున్నా వినకుండా పాతాళంలోకి వడి వడిగా జారిపోతోంది. బుధవారం, చరిత్రలోనే ఎన్నడూ లేనంత అధమ స్ధాయికి దిగజారి డాలర్ కి రు. 60.72 పైసల దగ్గర ఆగింది. సమీప భవిష్యత్తులో ఈ జారుడు ఆగే సూచనలు కనిపించడం లేదనీ మరింతగా రూపాయి విలువ పతనం కావచ్చని విశ్లేషకులు, మార్కెట్ పరిశీలకులు స్పష్టం చేస్తున్నారు. రూపాయి పతనానికి కారణం గత ఆర్టికల్ లో చర్చించినట్లు ఎఫ్.ఐ.ఐ (ఫారెన్…
అమెరికా గూఢచార సంస్ధ ఎన్.ఎస్.ఏ రహస్య ‘హక్కుల ఉల్లంఘన’ను బైట పెట్టిన ఎడ్వర్డ్ స్నోడెన్ తమ వద్దే ఉన్నాడని రష్యా అధ్యక్షుడు వ్లాదిమిర్ పుటిన్ కుండ బద్దలు కొట్టారు. ఆయన స్వేచ్ఛా జీవి అనీ, తాను కోరుకున్న చోటికి నిరభ్యంతరంగా వెళ్లొచ్చని పుటిన్ స్పష్టం చేశారు. స్నోడెన్ ను అమెరికాకు అప్పగించే ఆలోచనేదీ తమకు లేదని కూడా పుటిన్ తెలిపారు. “స్నోడెన్ మాస్కో వచ్చిన మాట నిజం. ఆయన రాక మాకు నిజంగా ఆశ్చర్యాన్ని కలిగించింది. ట్రాన్సిట్…
ఆంధ్ర ప్రదేశ్ రాష్ట్ర ప్రభుత్వం కంటే ముందుగానే స్పందించడం ద్వారా రాష్ట్ర ప్రతిపక్ష పార్టీ తెలుగు దేశం, వరద బాధితుల అభిమానం చూరగొన్నట్లు కనిపిస్తోంది. పుణ్య క్షేత్రాల సందర్శనకు వెళ్ళి తెలియని చోట, తెలియని భాష మధ్య, తెలియని మనుషుల మధ్య పలు ఇక్కట్లు ఎదుర్కొంటున్న బాధితులకు కాసింత పలకరించే దిక్కు కనపడినా కొండంత ధైర్యం, నమ్మకం తెచ్చుకుంటారు. ఆ పని చేయడం ద్వారా తెలుగు దేశం పార్టీ తన పూర్వ వైభవం తెచ్చుకోవడంలో కొంత సఫలం…
– నాయకుడు: దారుణం! నా హృదయం ఈ అభాగ్యుల కోసం విలపిస్తోంది… పైలట్: ఇది మీ సొంత రాష్ట్రమే సార్, వాతావరణం అనుకూలంగా లేకపోవడం వల్ల మనం వెనక్కి వచ్చేశాం! ———000——— ఉత్తర ఖండ్ రాష్ట్రంలో కనీ వినీ ఎరుగని రీతిలో సంభవించిన మేఘ ప్రళయం (cloud bursts), హఠాత్ వరదల (flash floods) ను సృష్టించింది. ఈ వరదల్లో అనేకమంది తప్పించుకోవడానికి కూడా తగిన వీలు, సమయం లేక అసువులు బాసారు. ఇప్పటివరకు 800 చిల్లర…
ఉద్దేశ్యపూర్వకంగానే స్నోడెన్ హాంగ్ కాంగ్ వదిలి వెళ్లడానికి సహకరించారనీ, ఇందులో చైనా హస్తం ఉందనీ అమెరికా చేసిన ఆరోపణలను చైనా తిరస్కరించింది. కారు కూతలు కట్టిపెట్టాలని దునుమాడింది. అమెరికా మానవ హక్కుల నమూనా అని భావిస్తే ఆ భ్రమల నుండి బైటికి రావాలని హిత బోధ చేసింది. ఇంటర్నెట్ హక్కుల మేనిపులేటర్ గా అవతరించిన అమెరికా “ఒక పిచ్చి (హక్కుల) ఆక్రమణదారు” అని నిరసించింది. చైనా కమ్యూనిస్టు పార్టీ పత్రిక పీపుల్స్ డైలీ విదేశీ ఎడిషన్ ఈ…
అమెరికా రాజ్యాధినేతల అక్రమ గూఢచర్యాన్ని లోకానికి తెలిపిన స్నోడెన్ లిబర్టీ ఇప్పుడు భద్రమైన తావు కోసం ఖండాంతరాలు దాటి పరుగులు పెడుతోంది. స్నోడెన్ లిబర్టీ ఇప్పుడు ఘనత వహించిన అమెరికన్ లిబర్టీకి సైతం కంటగింపుగా మారిపోయింది. ప్రఖ్యాత లిబర్టీ విగ్రహాన్ని కేవలం విగ్రహ పాత్ర వరకే పరిమితం చేసింది అమెరికా రాజ్యమైతే, దానికి ప్రాణం పోయడానికి ప్రయత్నిస్తున్నది ఎడ్వర్డ్ స్నోడెన్. అమెరికన్ లిబర్టీ అమెరికన్ రాజులకు ఎంతగా దాసోహం అయిందంటే, ప్రాణం పోసుకున్న లిబర్టీ పైన తానే…
శైవ క్షేత్రాలకు కేంద్రమైన ఉత్తర ఖండ్ ను రుద్ర భూమిగా చెప్పవచ్చు. ఆ రుద్ర భూమి రౌద్ర రూపం దాల్చిన క్షణాలు భక్తజన సమూహానికి శాపంగా మారగా, రాజకీయ నాయకులకు మాత్రం ఓట్ల గాలం కావడం అత్యంత శోచనీయం. ముఖ్యమంత్రులు ఏరియల్ సర్వేలలో నిమగ్నమై తమ తమ రాష్ట్ర వాసుల మెప్పు పొందేందుకు ప్రయత్నిస్తూ బాధిత ప్రజలకు సాయం చేస్తున్న సైనికుల పనిని కష్టతరం చేస్తున్నారు. హోమ్ మంత్రి సుశీల్ కుమార్ షిండే వారిస్తున్నా వినకుండా ఉత్తర…
134 మంది పట్టే విమానంలో రెండు రోజుల్లో 15,000 మంది గుజరాతీ యాత్రీకులను నరేంద్ర మోడి రక్షించారట! గుజరాత్ ముఖ్యమంత్రి నరేంద్ర మోడి గారు స్వయంగా ఈ విషయం చెప్పుకుంటూ అప్పుడే ఎన్నికల ప్రచారం ప్రారంభించేశారు. ఎన్నికల ప్రచారానికి 5,000 మందికి పైగా హిందూ భక్తులు దుర్మరణం చెందినట్లు భయపడుతున్న కేదార్ నాధ్ వరద భీభత్సం కంటే మించిన సదవకాశం నరేంద్ర మోడి గారికి దొరక్కపోవడం అత్యంత అమానుషం కాగా, సాధ్యా సాధ్యాలు పరిశీలించకుండానే మోడీ భక్తాగ్రేసరులు…
అమెరికా తన సామ్రాజ్యవాద దురహంకార స్వభావాన్ని ఎటువంటి శషభిషలు లేకుండా మరోసారి చాటుకుంది. సి.ఐ.ఏ మాజీ గూఢచారి ఎడ్వర్డ్ స్నోడెన్ హాంగ్ కాంగ్ వీడి రష్యా వెళ్ళిన నేపధ్యంలో ఆయనకు ఏ దేశమూ షెల్టర్ ఇవ్వడానికి వీలు లేదని హెచ్చరించింది. విద్రోహ నేరం కింద అమెరికాలో ఆయనపై కేసులు నమోదయ్యాయని కాబట్టి ఏ దేశమూ ఆయనకు రక్షణ ఇవ్వడం గానీ, తన గగనతలం గుండా ప్రయాణించే అవకాశం కల్పించడం గానీ చేయరాదని అమెరికా అధికారి ఒకరు హెచ్చరించినట్లు…
అమెరికాకు చైనా దిమ్మ తిరిగే ఝలక్ ఇచ్చింది. స్నోడెన్ ను తమకు అప్పగించాలని అమెరికా చేసిన విన్నపాన్ని పక్కకు నెట్టి ఆయన హాంగ్ కాంగ్ వదిలి వెళ్లడానికి అనుమతి ఇచ్చేసింది. ఎన్.ఎస్.ఏ మాజీ కాంట్రాక్టర్, సి.ఐ.ఏ మాజీ టెక్నీషియన్ అయిన ఎడ్వర్డ్ స్నోడెన్ దేశ విదేశీ గూఢచర్యం నేరానికి పాల్పడ్డాడని, ఆయన్ని తమకు అప్పగించాలని అమెరికా, చైనాను కొద్ది రోజుల క్రితం కోరింది. తమ నేరారోపణలకు రుజువుగా కొన్ని పత్రాలను చైనా ప్రభుత్వానికి అందజేసింది. అయినప్పటికీ అమెరికా…
“నిజాలు బైటికి రావడం మొదలైంది. మరిన్ని నిజాలు వెలువడకుండా ఎవరూ అడ్డుకోలేరు” అని ప్రకటించిన సి.ఐ.ఏ మాజీ టెక్నీషియన్, ఎన్.ఎస్.ఏ మాజీ కాంట్రాక్టర్ ఎడ్వర్డ్ స్నోడెన్ చెప్పినట్లుగానే మరొక నిజం వెల్లడి చేశాడు. హాంగ్ కాంగ్ లోని ‘సౌత్ చైనా మార్నింగ్ పోస్ట్’ (లేదా ది పోస్ట్) పత్రికకు ఇంటర్వ్యూ ఇస్తూ చైనా లోని మొబైల్ ఫోన్ కంపెనీలను, సాంకేతిక పరిశోధనలకు ప్రసిద్ధి చెందిన ఒక యూనివర్సిటీని అమెరికా హ్యాకింగ్ చేసి సమాచారం దొంగిలించిందని స్నోడెన్ వెల్లడి…
జాతీయ అంతర్జాతీయ వార్తలు, విశ్లేషణ 