హాలీవుడ్ సినిమా ‘ట్రాయ్’ చూసారా? అందులో గ్రీకులు ట్రాయ్ ద్వీప రాజ్యాన్ని ఒక చెక్క గుర్రం సహాయంతో వశం చేసుకుంటారు. ట్రాయ్ కధ పుక్కిటి పురాణం అని కొట్టివేసేవారు ఎంతమంది ఉన్నారో, నిజమే అని నమ్మేవారు అంత మంది ఉన్నారు. ట్రాయ్ వాసులను ట్రోజన్లు అంటారు. నగర ద్వీప రాజ్యమైన ట్రాయ్ ని జయించడానికి పదేళ్ళ పాటు చుట్టుముట్టినా గ్రీకుల వల్ల కాదు. ట్రాయ్ కోట శత్రు ధుర్భేద్యం కావడం, ట్రోజన్లు మహా వీరులు కావడంతో కోటలోకి…

ఒకినావాలో రెండో అమెరికా సైనిక స్ధావరం నెలకొల్పడానికి అమెరికా చేస్తున్న ప్రయత్నాలకు విఘాతం కలిగింది. ఫుటెన్మా లోని అమెరికా సైనిక స్ధావరాన్ని ఒకినావాకు తరలించాలని అమెరికా, జపాన్ ప్రభుత్వాలు భావిస్తుండగా స్ధానిక ప్రజలు దానిని వ్యతిరేకిస్తున్నారు. నూతన స్ధావరం ఏర్పాటు చేయాలని భావించిన నాగో పట్టణ ప్రభుత్వంలో స్ధావరం వ్యతిరేకులు మెజారిటీ పొందడంతో అమెరికా ప్రయత్నాలను తిప్పికొట్టేందుకు మార్గం సుగమం అయింది. జపాన్ లో 50,000 కుపైగా అమెరికా సైనికులు తిష్ట వేసుకుని ఉన్నారు. రెండో ప్రపంచ…

భారత ఉపఖండంలో ఆల్-ఖైదా విభాగాన్ని స్ధాపించినట్లు ఆల్-ఖైదా నేతగా చెప్పుకునే అయిమన్ ఆల్-జవహరి ప్రకటించాడు. ఈ విభాగం ద్వారా భారత ఉపఖండం అంతటా జీహాద్ విస్తరణకు పాటుపడనున్నట్లు తెలిపాడు. ఆన్-లైన్ లో పోస్ట్ చేసిన ఒక వీడియో ద్వారా ఆల్-జవహరి ‘ఖైదత్ ఆల్-జిహాద్ ఇన్ ద ఇండియన్ సబ్ కాంటినెంట్’ ఏర్పాటు చేసినట్లు తెలిపాడు. ఆఫ్ఘనిస్తాన్, ఇరాక్, సిరియా, సోమాలియా, యెమెన్, మాలి, లిబియా తదితర దేశాల్లో మొదట ఆల్-ఖైదా లేదా మరో పేరుతో టెర్రరిస్టులను ప్రవేశపెట్టడం,…

తూర్పు ఉక్రెయిన్ లోని దోనెట్స్క్, లుగాన్స్క్ రాష్ట్రాలకు చెందిన స్వయం రక్షక బలగాలపై నాలుగు నెలలుగా దాడులు చేస్తున్న ఉక్రెయిన్ ప్రభుత్వం కాల్పుల విరమణ ఒప్పందం కుదిరిందని ప్రకటించింది. రష్యా అధ్యక్షుడు పుతిన్, ఉక్రెయిన్ అధ్యక్షుడు పెట్రో పోరోషెంకోలు ఇరువురూ టెలీఫోన్ లో మాట్లాడుకున్నారని, దరిమిలా శాశ్వత కాల్పుల విరమణ ఒప్పందం సాధ్యపడిందని ఉక్రెయిన్ ప్రభుత్వ వర్గాలు ప్రకటించాయి. అయితే ఇంతలోనే తమ ప్రకటనను ఉక్రెయిన్ మార్చుకుంది. ‘శాశ్వత’ కాల్పుల విరమణ ఒప్పందం కాదని ఉద్రిక్తతలు తగ్గించి,…

భారత ప్రధాని నరేంద్ర మోడి జపాన్ పర్యటనలో ఇండియా-జపాన్ ల మధ్య చరిత్రాత్మక అణు ఒప్పందం ఆమోదం పొందుతుందని పలువురు భావించారు. అందుకే ప్రపంచ అణు పరిశ్రమతో వివిధ రకాలుగా సంబంధం ఉన్నవారందరూ మోడి పర్యటనను ఆసక్తిగా, ఆశగా, భయంగా, ఆందోళనగా తిలకించారు. చివరికి ఒప్పందం కుదరకపోవడంతో పరిశ్రమ వర్గాలు తమ తమ స్ధానాలను బట్టి అనుకూలంగానూ, వ్యతిరేకంగానూ నిట్టూర్చగా ప్రజల తరపున ఆలోచించేవారు ‘పోనీలెమ్మ’ని ఊపిరి పీల్చుకున్నారు. ఒప్పందం కుదరకపోవడానికి కారణం జపాన్ విధించిన విషమ…

వెంకట్ నాయుడు మీ వెబ్ సైట్ కు ధన్యవాదాలు. నాకు సరిగా అర్ధం కాని విషయం ఏంటంటే ప్రపంచ దేశాలపై అమెరికా ఆధిపత్యం ఎందుకు చూపిస్తుంది? అసలు ఆధిపత్యం చూపించడానికి కారణాలు ఏమిటో చెప్పండి. సమాధానం: ఒక్క మాటలో చెప్పాలంటే మార్కెట్ అవసరాలు. ప్రతి దేశంలోనూ ఆ దేశ వనరులపై గుత్తాధిపత్యం కలిగిన కొద్దిపాటి ధనిక కుటుంబాలు ఉంటాయి. వారికి సహకారంగా వారి మాట వింటూ పని చేసే ధనిక వర్గాలు మరింత మంది ఉంటారు. వారు…

అమెరికా, పశ్చిమ దేశాలు నిలిపిన ఉక్రెయిన్ హంతక ప్రభుత్వం, తిరుగుబాటు బలగాల చేతుల్లో మరోసారి ఓటమిని ఎదుర్కొంటోంది. ఉక్రెయిన్ నుంచి విడిపోయి రష్యాలో కలవాలని కోరుకుంటున్న తూర్పు ఉక్రెయిన్ ప్రాంతాలు తమపై దాడికి వచ్చిన ఉక్రెయిన్ హంతక బలగాలను స్ధిరంగా తిప్పి కొడుతున్నాయి. తాజాగా డోనేట్స్క్ మిలీషియా బలగాలు పశ్చిమ అనుకూల బలగాల నుండి నోవోజోవ్స్క్ పట్టణాన్ని స్వాధీనం చేసుకున్నాయి. ఆ పక్కనే ఉన్న వ్యూహాత్మక మరియుపోల్ నౌకాశ్రయ నగరాన్ని స్వాధీనం చేసుకునేందుకు ముందుకు పురోగమిస్తున్నాయి. ఉక్రెయిన్…

చైనా శాస్త్రవేత్తల కృషి ఫలిస్తే త్వరలో శబ్ద వేగంతో ప్రయాణించగల జలాంతర్గాములు చైనా అభివృద్ధి చేయవచ్చు. రెండు గంటల్లోనే షాంఘై నుండి శాన్ ఫ్రాన్ సిస్కోకు చైనా జలాంతర్గాములు చేరవచ్చు. ఇంకా చెప్పుకుంటే చైనా ప్రయోగించే టార్పెడోలు సముద్ర గర్భంలో అత్యంత వేగంతో ప్రయాణించి అమెరికన్ నౌకలను ధ్వంసం చేయవచ్చు. చైనా తలపెట్టిన  సాంకేతిక పరిజ్ఞానం ప్రస్తుతం మిలట్రీ రహస్యం. దీనికి సంబంధించిన సమాచారాన్ని చైనా మిలట్రీ అధికారి ఒకరు సౌత్ చైనా మోర్నింగ్ పోస్ట్  (ఎస్.సి.ఎం.పి)…

40 రోజుల గాజా విధ్వంసం ఖరీదు 8 బిలియన్ డాలర్లు. అనగా 48,000 కోట్ల రూపాయలు. ఉమ్మడి ఆంధ్ర ప్రదేశ్ రాష్ట్ర రెవిన్యూ ఆదాయంలో ఇది 2/3 వంతుతో సమానం. కానీ ఉమ్మడి ఏ.పి జనాభా 10 కోట్లు కాగా గాజా జనాభా కేవలం 18 లక్షలు మాత్రమే. “గాజా భూభాగం సర్వ నాశనం అయిపోయింది. అనేక సంస్ధలు ఉమ్మడిగా పూనుకుంటే తప్ప పునర్నిర్మాణం సాధ్యం కాదు” అని గాజా గృహ నిర్మాణం మరియు ప్రజా పనుల…

సైన్యం పేరుతో తూర్పు ఉక్రెయిన్ లో నరమేధం సాగిస్తున్న ఉక్రెయిన్ హంతకదళాలు పశ్చిమ దేశాల అదుపులో ఉన్నాయి తప్ప ఉక్రెయిన్ ప్రభుత్వం అదుపులో కాదని రష్యా విదేశీ మంత్రి తెలిపారు. తూర్పు ఉక్రెయిన్ ప్రజలకు ఆహారం, నీరు తదితర సహాయం అందజేయడానికి వీలుగా జర్మనీలో చర్చలు జరుపుతున్న విదేశీ మంత్రి సెర్గీ లావరోవ్ ఈ సంగతి పత్రికలకు తెలిపారు. ఉక్రెయిన్ రక్షణ మంత్రికి ఈ దళాలు హెచ్చరిక జారీ చేయడం బట్టి ఇది రుజువవుతోందని ఆయన తెలిపారు.…

సిరియా తిరుగుబాటుదారులను పోరాటయోధులుగా కీర్తించిన పశ్చిమ దేశాలు ఇప్పుడు టెర్రరిస్టులు అంటున్నాయి. ఇరాక్ ను దురాక్రమించి ఉండగా అమెరికా విడుదల చేసిన అల్-బఘ్దాది ‘ఇస్లామిక్ స్టేట్’ (ఆఫ్ ఇరాక్ అండ్ సిరియా) ను స్ధాపించి సిరియా, ఇరాక్ ప్రాంతాలతో ‘కాలిఫేట్’ ఏర్పాటు చేసినట్లు ప్రకటించాక ‘ఆల్-ఖైదా కంటే తీవ్రమైన ఉగ్రవాది’ అని అమెరికా అంటోంది. ఐరాస భద్రతా సమితి వేదికగా బ్రిటన్ ప్రతిపాదించిన తీర్మానాన్ని ఆమోదించడం ద్వారా పశ్చిమ దేశాలు జబ్బత్ ఆల్-నుస్రా, ఇస్లామిక్ స్టేట్ లను…

గాజా విధ్వంసకాండపై బ్రిటన్ స్వచ్ఛంద సంస్ధ ఆక్స్ ఫాం వినూత్న నిరసన చేపట్టింది. గాజా ప్రజల దీన పరిస్ధితిని తెలియజేస్తూ 150 మంది కార్యకర్తలు చేసిన ఈ ప్రదర్శన ప్రపంచాన్ని ఆకర్షించింది. చిన్న చెక్క పెట్టెలను బ్రిటిష్ పార్లమెంటు మైదానం ముందు ఉంచి అందులో ఇరుక్కుని కూర్చోవడం ద్వారా ఆక్స్ ఫామ్ గాజా ప్రజలు అత్యంత చిన్న ప్రదేశంలో ఇరుక్కుని బతుకుతూ కూడా ఇజ్రాయెల్ దురహంకార అణచివేతను ఎదుర్కొంటున్నారని ప్రదర్శన ద్వారా తెలిపారు. బ్రిటన్ పాలనా కేంద్ర…