‘సంగీతానికి ఎల్లలు లేవు’ అని సంగీతం గురించి తెలిసినవారు, తెలియని వారు కూడా తరచుగా చెప్పే మాట! ఎల్లలు అంటే ఏ ఎల్లలో తెలియదు గానీ భాషా పరమైన ఎల్లలు కూడా లేవని ఈ వీడియో చూస్తే (వింటే) వచ్చే ఆనందం ద్వారా మన అనుభవంలోకి వస్తుంది.

–

ఈ కొరియా పాప (లేకపోతే చైనీస్ పాపో, జపనీస్ పాపో అయినా అయి ఉండవచ్చు) పాడింది ఒక్క నిమిషం మాత్రమే. ఆల్రెడీ రికార్డ్ చేసిన పాటకు నటించిందా లేక తానే పాడిందా అన్నది తెలియలేదు. రికార్డు చేసిన పాటకు అనుకరణ అయితే మాత్రం పాపకు నటనా పరమైన మార్కులు కూడా వేసెయ్యొచ్చు. తన గౌను రంగును బట్టి చూస్తే ఉత్తర కొరియా పాప అయి ఉండొచ్చనిపిస్తోంది.

చిన్న పిల్లలు మాట్లాడితేనే మనకు చూడబుద్ధేస్తుంది, వినబుద్ధేస్తుంది. అలాంటిది పాట పాడుతూ, నటనా కౌశలం, నాట్య కౌశలం కూడా ప్రదర్శిస్తే ఇక చెప్పేదేముంది. ఇంతకీ ఈ పాప వెలువరిస్తున్న శబ్దాలేమిటి?

“న్యేగా ద్దో ప్పోప్పో యూరీ అప్పో ప్పోప్పో యూరీ అప్ప ప్పోప్పో కంజిర్యెయోవా”

అంటున్నట్టుగా ఉంది. బహుశా అమ్మకి ముద్దు, నాన్నకి ముందు అంటోందనుకుంటా.  ఈ ప్రదర్శన కోసం పాప ఎంత ఇబ్బంది పడిందో గానీ ప్రదర్శన మాత్రం చాలా బాగుంది.