పాఠకుల సలహా మేరకు ‘జాతీయ అంతర్జాతీయ వార్తలు, విశ్లేషణ’ బ్లాగ్ లో ‘ప్రశ్న-జవాబు’ కేటగిరీ ప్రారంభించిన సంగతి తెలిసిందే. పాఠకులు తమ ప్రశ్నలు ఎక్కడ వేయాలో ఇంకా ఆలోచించలేదని ఆ కేటగిరీ ప్రారంభిస్తూ చెప్పాను. ‘ఎందుకో? ఏమో’ బ్లాగర్ గారు నా ఈ మెయిల్ అడ్రస్ కు ప్రశ్నలు పంపే అవకాశం ఇవ్వొచ్చని సలహా ఇచ్చారు. ఆలోచించగా, చించగా…. అదే బెటర్ గా తోచింది.

పాఠకులు తమ ప్రశ్నలను పంపాల్సిన నా ఈ-మెయిల్ చిరునామా: visekhar@teluguvartalu.com

నేను పండితుడ్నని, సర్వం వచ్చని నేను భావించడం లేదు. పాఠకులు కూడా అలానే భావించాలని నా కోరిక. కాకపోతే తెలిసినవారు చెబుతారు. తెలియనివారు అడుగుతారు. ప్రశ్నలు అడిగేవారిలో నేనూ సమాధానం చెప్పేవారిలో పాఠకులూ ఉండొచ్చు.

‘ప్రశ్న-జవాబు’ కేటగిరీ ప్రధానంగా చర్చకు ఉద్దేశించినది. నా అవగాహనలో ఉన్నవి నేను పాఠకుల ముందు ఉంచుతాను. అలాగే పాఠకులు తమ తమ అవగాహన మేరకు చర్చలో పాల్గొంటారు. ఈ చర్చకు కామెంట్స్ పాలసీలో పొందు పరిచిన నియమనిబంధనలన్నీ వర్తిస్తాయి.

ఈ బ్లాగ్ నిర్వహణ పార్ట్ టైమ్ పని. కాబట్టి ఒక్కోసారి నేను వెంటనే సమాధానం ఇవ్వలేకపోవచ్చు. ఒక్కోసారి సమాధానం ఇద్దామనుకుని మర్చిపోవచ్చు. మళ్ళీ అడగడానికి మొహమాటం పడాల్సిన అవసరం లేదు.

ప్రశ్నలు అడిగినవారిలో కొందరు తమ పేరు వెల్లడి చేయడానికి ఇష్టపడకపోవచ్చు. అలాంటివారు ఆ మేరకు సూచన చేయగలరు.