ఉత్తర కొరియా అధిపతి ‘కిమ్ జోంగ్-ఇల్’ మరణంతో రాజకీయ కార్టూనిస్టులూ విలపిస్తున్నారని ఈ కార్టూనిస్టు చెబుతున్నాడు. కిమ్ జోంగ్-ఇల్ బతికి ఉన్నంత కాలం అంతర్జాతీయ రాజకీయాలలో చురుకుదనం పుట్టించాడనీ, తద్వారా రాజకీయ కార్టూనిస్టులకు కావలసినంత మేత దొరికిందనీ ఈ కార్టూనిస్టు అభిప్రాయం. అమెరికా, యూరప్ ల ఆధిపత్యాన్ని అంగీకరిస్తూ లొంగి ఉంటే ప్రపంచంలో పట్టించుకునేవారెవరూ పెద్దగా ఉండరు. అమెరికా మాట తు.చ తప్పకుండా వినే దేశాల పేర్లు కూడా చాలా మందికి తెలియదు. అదే అమెరికా పక్కలో బల్లెంలా ఉన్న క్యూబా పేరయితే తలచుకోని వారుండరు. సామ్రాజ్యవాదులు ఎలాగూ కక్ష్యతో తలచుకుంటారు. అభిమానులు కూడా వీలు దొరికినప్పుడల్లా క్యూబా ధైర్యాన్ని ప్రస్తుతిస్తుంటారు. ఇక భారత దేశంలో ఉండే కుక్క మూతి పిందెల సంగతి చెప్పనే అవసరం లేదు. వీరు ఏదో పేరుతో కాస్ట్రో ను క్రమం తప్పకుండా తలచుకుంటారు. అలాంటిదే ఉత్తర కొరియా కూడా. అమెరికా, యూరప్ లను ధిక్కరించి అణు బాంబులు తయారు చేసుకున్న దేశంగా బోల్డంత క్రెడిట్ ను ఉత్తర కొరియాకు సామ్రాజ్యవాద దేశాలే కల్పించాయి.

–

–