అమెరికాలో నిరుద్యోగం 9.1 శాతం అని ప్రభుత్వ లెక్కలు చెబుతున్నప్పటికీ వాస్తవానికి అది 16 శాతంపైనే ఉంటుందని ఆర్ధికవేత్తలు దాదాపుగా ఏకీభావం వ్యక్తం చేస్తున్నారు. మూడు సంవత్సరాల క్రితం నాటి ఆర్ధిక మాంద్యం నుండి కోలుకున్నామని చెబుతున్నప్పటికీ ఈ రికవరీ వాస్తవానికి ఉద్యోగాలు ఏమీ కల్పించలేకపోయింది. ఉద్యోగాల సృష్టి లేని రికవరీ వాస్తవానికికి రికవరీగా పరిగణించలేము. అందుకే అమెరికా రికవరీని జాబ్‌లెస్ రికవరీగా పేర్కొంటున్నారు. ఉపాధి కల్పించకుండా ఆర్ధిక వృద్ధి సాధించడం అసాధ్యమని ఐ.ఎం.ఎఫ్ అనేకసార్లు చెప్పిన విషయం ఈ సందర్భంగా గమనార్హం.

నిరుద్యోగ సమస్యను పరిష్కరించే పేరుతో ఒబామా ఉపాధి పధకాన్ని కొన్ని రోజుల క్రితం ప్రకటించాడు. ఆ పధకం కంటితుడుపే తప్ప వాస్తవంగా  నిరుద్యోగ సమస్యను తీర్చేది కాదని విశ్లేషకులు భావిస్తున్నారు. ఉద్యోగాలంటూ కొద్దిపాటి ఉద్యోగాలకు నిరుద్యోగ సైన్యాన్నంతటినీ ఓటు బ్యాంకుగా మార్చుకునే ప్రయత్నం జరిగిందని వారు చెబుతున్నారు. ఒబామా మొదలు పెట్టిన ఉపాధి వంటకం మిలియన్ల మందిని ఊరిస్తున్నా సువాసనలు వెదజల్లేదే తప్ప కడుపు నింపేది కాదు.

–

కార్టూనిస్టు: హెంగ్, సింగపూర్

—