మెరుగుపరచబడిన పేలుడు పరికరం (Improvised Explosive Device – IED) పేలుడుకు ఉపయోగించినందున టెర్రరిస్టు దాడులనడానికి ఆస్కారం ఉందని ఆర్.కె.సింగ్ చెప్పాడు. బాంబుకి సంబంధించిన విడిభాగాలు ఇంకా బ్రీఫ్ కేసులోనే ఉన్నందున బాంబును బ్రీఫ్ కేసులో ఉంచినట్లు భావిస్తున్నామని చెప్పాడు. గత కొన్ని సంవత్సరాలుగా సామర్ధ్యాన్ని పెంచుకుంటూ టెర్రరిస్టు దాడులు జరగకుండా ఢిల్లీ పోలీసులు నిరంతరం అప్రపత్తతగా ఉంటున్నప్పటికీ పేలుళ్ళు జరగడం పట్ల చిదంబరం లోక్ సభలో విచారం వ్యక్తం చేశాడు. గూఢచార సంస్ధలు ఢిల్లీ పోలీసులతో నిరంతరం సమాచారం పంచుకుంటారని తెలిపాడు. కొన్ని గ్రూపుల చర్యలపై అందిన సమాచారాన్ని అలాగే జులైలో ఢిల్లీ పోలీసులకు అందించారని చెప్పాడు. ఈ దశలో పేలుళ్ల వెనుక ఖచ్చితంగా ఎవరు ఉన్నదీ చెప్పలేమని చిదంబరం లోక్ సభకు తెలిపాడు.