అమెరికాలో ఉన్న “టూ బిగ్ టు ఫెయిల్” కంపెనీలు ప్రజల పన్నులు, ప్రభుత్వ అప్పులు మెక్కి సంక్షోభం నుండి కోలుకున్నప్పటికీ అమెరికా ఆర్ధిక వ్యవస్ధ, సంక్షోభం నుండి ఇంకా కోలుకోలేదు. బడా కంపెనీలు, ముఖ్యంగా ప్రవేటు ఇన్‌వెస్ట్‌మెంటు బ్యాంకులు, ఇన్సూరెన్సు సంస్ధలు బెయిలౌట్లుగా ప్రభుత్వ అప్పులను భోంచేయడంతో అమెరికా ప్రభుత్వానికి అది పెనుభారమై కూర్చుంది. కంపెనీలు ఉద్యోగాలు ఇవ్వకపోవడంతో నిరుద్యోగం పెరిగి అధిక ఉత్పత్తి సంక్షోభానికి దారి తీస్తున్నది. ఆర్ధిక వ్యవస్ధ వైఫల్యం పైన అనుమానాలు, అప్పు పుట్టకుండా చేసే అవకాశాలు ముంచుకొస్తున్నాయి. ఎస్&పి రేటింగ్ డౌన్ గ్రేడ్ తో ఆ అవకాశాలు పెరిగాయి.

ఆర్ధిక వ్యవస్ధ కోలుకోకముందే రుణ సంక్షోభం సుడిగాలిలా అమెరికాని చుట్టుముడుతోంది. ఎస్&పి తెచ్చిన సంచలనం ప్రస్తుతానికి పక్కకు వెళ్ళినా, కొనసాగుతున్న యుద్ధాలు, అమెరికా ఆర్ధిక వ్యవస్ధ రుణ సంక్షోభానికి బలికావడం ఖాయంగా కనిపిస్తోంది.

“ఎకనమిక్ రికవరీ” ఇంటి నిర్మాణం మొదలే కాలేదు, దాన్ని కూల్చివేయడానికి ట్విస్టర్ (సుడిగాలి) తరుముకొస్తోంది.

–

కార్టూనిస్టు: హెంగ్, లియానె జావోబావ్, సింగపూర్

—