పై పట్టిక ప్రకారం ఈ సంవత్సరం మొదటి క్వార్టర్ లో జిడిపి వృద్ధి రేటు అత్యధికంగా టర్కీ 11 శాతం నమోదు చేయడం గమనార్హం. సాధారణంగా ఈ స్ధానాన్ని చైనా ఆక్రమించేది. రెండో స్ధానంలో ఉండే ఇండియా ఏకంగా ఐదో స్ధానానికి దిగజారింది. ప్రపంచ వ్యాపితంగా ఆర్ధిక వృద్ధి రేటు తగ్గిపోతుండడంతో ఆ ప్రభావం చైనా, ఇండియాలపై బాగా పడుతోంది. ముఖ్యంగా ఈ రెండు దేశాల ఎగుమతి మార్కెట్లయిన అమెరికా, యూరప్ దేశాలు రుణ సంక్షోభంలో ఉండడంతో చైనా, ఇండియాల ఎగుమతులు పడిపోయి ఉత్పత్తి తగ్గిపోయింది.

అయితే 2011 క్యాలండర్ ఆర్ధిక సంవత్సరానికి గాను జిడిపి వృద్ధి రేటు అంచనాలను చూస్తే చైనా ఇంకా తన అగ్ర స్ధానాన్ని కొనసాగించినా ఇండియా స్ధానం రెండు నుండి మూడుకి పడిపోయింది. ఇండియా స్ధానాన్ని అర్జెంటీనా 8.3 శాతం వృద్ధి రేటుతో ఆక్రమించింది. భారత పాలకులు ఊహల్లో విహరించడం మాని వాస్తవంలో ఏం చెయ్యాలో ఆలోచిస్తే మంచిదని ఈ గణాంకాలు హెచ్చరిస్తున్నాయి.