నిరవధిక నిరాహార దీక్ష చేయకుండా ప్రభుత్వం అన్నా హజారే అరెస్టు చేయించడంతో అవినీతి వ్యతిరేక ఉద్యమం దేశమంతా పాకింది. అరెస్టు చేయడం వల్లనే అవినీతి వ్యతిరేక ఉద్యమానికి ఇంత స్పందన వచ్చిందని కొందరు సూచిస్తున్నారు. ఆ సూచన నిజం కాకపోవచ్చు. అరెస్టు కాకపోయినప్పటికీ అన్నా హజారే నిరాహార దీక్ష ప్రారంభించిన తర్వాత కూడా ఇదే విధమైన స్పందన వచ్చి ఉండేది. కాకపోతే అన్నా అరెస్టు వలన ప్రజల్లో భావోద్వేగాలు అదనంగా వచ్చి చేరాయి. ఈ భావోద్వేగాలు అన్నాకు వస్తున్న మద్దతు మరింతకాలం కొనసాగడానికి దోహదం చేసే అవకాశాలు కనిపిస్తున్నాయి. దేశ వ్యాపితంగా వివిధ ప్రాంతాల్లో ప్రజలు ఉద్యమించిన ఈ ఫొటోలను, ది హిందూ, రాయిటర్స్ సంస్ధలు అందించాయి.