గత శుక్రవారం అమెరికా క్రెడిట్ రేటింగ్‌ను ఎస్‌&పి క్రెడిట్ రేటింగ్ సంస్ధ అత్యున్నత రేటింగ్ AAA నుండి రెండో అత్యున్నత రేటింగ్ AA+ కి తగ్గించింది. దానితో అమెరికా ప్రభుత్వం, కంపెనీలు, వినియోగదారులకు అప్పుల ఖరీదు (వడ్డీ రేటు) పెరిగిపోయింది. దానివలన పెట్టుబడులు తగ్గి, అప్పటికే అనేక బలహీనతలతో తీసుకుంటున్న అమెరికా ఆర్ధిక వ్యవస్ధ మరింత క్షీణిస్తుందనీ, అమెరికా మరొక సారి మాంద్యానికి (రిసెషన్) గురై అది ప్రపంచం అంతా వ్యాపిస్తుందనీ ఒక్క సారిగా భయాలు ఇన్‌వెస్టర్లను ముంచెత్తాయి. ఫలితంగా షేర్ మార్కెట్లలో అమ్మకాలు శరవేగంగా పెరిగిపోయి, వివిధ దేశాల షేర్ సూచిలు దాదాపు సంవత్సరం ముందు స్ధాయికి పడిపోయాయి.

ప్రపంచంలోని వివిధ స్టాక్ ఎక్చేంజిలలో షేర్ల పతనాన్ని అందరికంటే ముందుగా వీక్షించే బ్రోకర్లు, వ్యాపారులు, ఇన్‌‌వెస్టర్లు కంప్యూటర్ మానిటర్ల ముందు కూచుని వ్యక్తం చేసిన హావ భావాలను రాయిటర్స్ ఫోటో విలేఖరి కెమెరాలో బంధించి అందించాడు. అవి ఇక్కడ: