బొలీవియాకు స్పెయిన్ బహిరంగ క్షమాపణ

బొలీవియా అధ్యక్షుడు ప్రయాణిస్తున్న విమానానికి తమ గగనతలంలో అనుమతి నిరాకరించడం జరగనేలేదని వాదించిన స్పెయిన్ ఎట్టకేలకు బహిరంగ క్షమాపణ చెప్పింది. మాస్కో నుండి బొలీవియా ప్రయాణిస్తున్న బొలీవియా అధ్యక్షుడు ఇవా మొరేల్స్ విమానానికి ఫ్రాన్స్, స్పెయిన్, పోర్చుగల్, ఇటలీ దేశాలు అనుమతి నిరాకరించడంతో అది అత్యవసరంగా ఆస్ట్రియా రాజధాని వియన్నాలో దిగవలసి వచ్చింది. ప్రపంచ ప్రజలపై అమెరికా అక్రమ గూఢచర్యం వివరాలను వెల్లడించిన ఎన్.ఎస్.ఏ మాజీ గూఢచారి ఎడ్వర్డ్ స్నోడెన్ విమానంలో ఉన్నాడన్న అనుమానంతో సి.ఐ.ఏ ఇచ్చిన…

తెలంగాణ అంటే జనం కాదా? -కార్టూన్

కాదన్నట్టే ఉంది కాంగ్రెస్ వ్యవహారం చూస్తుంటే. తెలంగాణ ఉద్యమం అంటే ప్రజలు, వారి ఆకాంక్షలు, వారి అవసరాలు కాదు. తెలంగాణ ఉద్యమం అంటే కాంగ్రెస్ దృష్టిలో 2014 ఎన్నికల్లో కురిసే ఓట్లు, సీట్లు మాత్రమే. ఆ మాటకొస్తే ఏ పార్టీకి మాత్రం కాదు? తెలంగాణ వాగ్దానం చేసిన బి.జె.పి కూడా 1999 సాధారణ ఎన్నికల్లో అధికారంలోకి వచ్చాక తెలుగు దేశం సీట్ల కోసం దాన్ని పక్కన పెట్టింది. అవే సీట్ల కోసం రేపు తెలంగాణ ఇవ్వడానికి సోనియా…

ఎన్.ఎస్.ఎ తో కుమ్మక్కై యూజర్లను మోసం చేస్తున్న మైక్రోసాఫ్ట్

అమెరికా రహస్య గూఢచార సంస్ధ ఎన్.ఎస్.ఎ -నేషనల్ సెక్యూరిటీ ఏజన్సీ- తో పేరు పొందిన కంప్యూటర్ సాఫ్ట్ వేర్ సంస్ధ మైక్రోసాఫ్ట్ కుమ్మక్కయింది. “Your privacy is our priority” అన్న తన మోటోకు తానే స్వయంగా తూట్లు పొడుస్తోంది. మైక్రోసాఫ్ట్ ఆపరేటింగ్ సిస్టమ్ అయిన విండోస్, ఈ మెయిల్ సంస్ధ ఔట్ లుక్ డాట్ కామ్ లకు తాను రూపొందించిన పటిష్టమైన ఎన్ క్రిప్షన్ ను ఛేదించి వినియోగదారుల వ్యక్తిగత సమాచారాన్ని దొంగిలించగల తాళాన్ని తానే…

గౌరవ మర్యాదలకు విఘాతం -ది హిందు సంపాదకీయం

(బొలీవియా అధ్యక్షుడు ఇవా మొరేల్స్ ప్రయాణిస్తున్న విమానంలో అమెరికన్ ఎన్.ఎస్.ఏ లీకర్ ఎడ్వర్డ్ స్నోడెన్ ఉన్నాడన్న అనుమానంతో అమెరికా పనుపున ఫ్రాన్స్, ఇటలీ, స్పెయిన్, పోర్చుగల్ దేశాలు అనుమతి నిరాకరించి, ఆస్ట్రియాలో బలవంతంగా కిందకి దించిన ఉదంతం గురించి ది హిందు పత్రిక బుధవారం -జులై 10- రాసిన సంపాదకీయానికి ఇది యధాతధ అనువాదం -విశేఖర్) “తన ఇష్టం లేకుండా ఒక పావుగా ఉండవలసిన అవసరం గానీ, అందుకు తగిన కారణం గానీ లాటిన్ అమెరికాకు లేదు,”…

ప్రజాస్వామ్య అమెరికాలో 30,000 ఖైదీల నిరాహార దీక్ష

వివిధ దేశాల్లో మానవ హక్కుల ఉల్లంఘన పట్ల ప్రతి సంవత్సరం గొంతు చించుకునే అమెరికా తన పౌరులకు మాత్రం మానవ హక్కులు నిరాకరిస్తుంది. కాలిఫోర్నియా రాష్ట్రంలో జైళ్లలోని అమానవీయ పరిస్ధితులను, చిత్రహింసలను, పోలీసుల అణచివేత పద్ధతులను నిరసిస్తూ రాష్ట్ర వ్యాపితంగా వివిధ జైళ్లలోని 30,000 మంది ఖైదీలు ఆమరణ నిరాహార దీక్షకు పూనుకోవడం ఈ సంగతిని మరోసారి తేటతెల్లం చేస్తోంది. బహుశా ప్రపంచ చరిత్రలోనే ఇంతమంది ఆమరణ నిరాహార దీక్షకు దిగడం ఇదే మొదటిసారి కావచ్చు. గ్వాంటనామో…

ఈజిప్టులో మిలట్రీ కుట్ర: రాజ్యాంగం రద్దు, ప్రభుత్వం కూల్చివేత

‘సింగడు పోనూ బోయేడు, రానూ వచ్చేడు’ అని సామెత! ఈజిప్టులో అమెరికా నెలకొల్పిన నడమంత్రపు ప్రజాస్వామ్యం పరిస్ధితి అలాగే తగలడింది. 30 యేళ్ళ ముబారక్ నియంతృత్వ పాలనతో విసుగు చెంది ఉన్న ఈజిప్టు ప్రజల అసంతృప్తిని నేర్పుగా పక్కకు తప్పించి మళ్ళీ తన మరో కీలుబొమ్మనే ఈజిప్టు అధ్యక్షుడుగా ప్రతిష్టించడంలో సఫలం అయిన అమెరికా, మోర్శి వ్యతిరేక ప్రభంజనాన్ని బెదిరింపులతో అరికట్టడంలో విఫలం అయింది. ఐరోపా మద్దతు ఉందని భావిస్తున్న నేషనల్ సాల్వేషన్ ఫ్రంట్ అధినేత, ఐ.ఎ.ఇ.ఎ…

స్నోడెన్ భయం: బొలీవియా అధ్యక్షుడి విమానాన్ని దింపిన ఆస్ట్రియా

అమెరికా, ఐరోపా రాజ్యాలకు ఎడ్వర్డ్ స్నోడెన్ కంటి మీద కునుకు లేకుండా చేస్తున్నారు. ఆయన రష్యా విమానాశ్రయంలో కూర్చుని ఏ దేశం తనకు ఆశ్రయం ఇస్తుందా అని ఎదురు చూస్తుండగా ఆయన తమకు తెలియకుండా ఎక్కడ తప్పించుకుని పోతాడా అని అమెరికా కుక్క కాపలా కాస్తోంది. స్నోడెన్ కోసం అమెరికా ఎంతకు తెగించిందంటే బొలీవియా అధ్యక్షుడు ప్రయాణిస్తున్న విమానానికి తమ గగనతలంపై ప్రయాణించకుండా ఐరోపా దేశాలపై ఒత్తిడి తెచ్చేటంతగా. ఫ్రాన్సు, పోర్చుగల్, స్పెయిన్ దేశాలు బొలీవియా అధ్యక్షుడు…

ఓ స్నోడెన్! నిన్ను గుండెల్లో మాత్రమే దాచుకోగలం!!

– రచన: చందుతులసి ఓ స్నోడెన్.. ఓ వేగుచుక్కా… సాహసమే ఊపిరిగా స్వేచ్ఛా కేతనం ఎగరేసిన వీరుడా…… గుంటనక్క గోతుల్ని సాక్ష్యాలతో చాటిన శోధనుడా. నీ ధైర్యం ప్రపంచ యువతను వెన్నుతట్టి లేపుతోంది ఆంక్షలు లేని భావప్రపంచపు కొత్తదారిని చూపుతోంది. ఓ స్నోడెన్ ఓ వెలుగు రేఖా… శాంతిని, స్వేచ్ఛను లోకానికి చాటిన బుద్ధుడు పుట్టిన నేల అనుకొని ఆశ్రయం కోరావా….? సిద్ధార్ధుడ్నే కాదు…ఆయన సిద్ధాంతాల్ని మేమెప్పుడో మర్చిపోయాం. మా కెవడైనా గుర్తుచేస్తే వాన్ని పక్క దేశాలకు…

ప్రిజం: మరో 4 స్లైడ్లు వెల్లడించిన వాషింగ్టన్ పోస్ట్

అమెరికా అక్రమ గూఢచర్యాన్ని ధ్రువపరిచే మరో నాలుగు పవర్ పాయింట్ స్లైడ్లను ‘ది వాషింగ్టన్ పోస్ట్‘ పత్రిక ప్రచురించింది. ప్రిజం అనే ప్రోగ్రామ్ సహాయంతో 9 ఇంటర్నెట్ కంపెనీల సర్వర్ల నుండి ప్రపంచ ప్రజల సెల్ ఫోన్, ఈ మెయిల్, చాటింగ్ తదితర సంభాషణలను అమెరికా గూఢచార సంస్ధ రికార్డు చేస్తున్న సంగతి ఎడ్వర్డ్ స్నోడెన్ వెల్లడించిన సంగతి తెలిసిందే. గూఢచారులకు ట్రైనింగ్ ఇవ్వడానికి రూపొందించిన పవర్ పాయింట్ ప్రజెంటేషన్ స్లైడ్లను స్నోడెన్ ద్వారా సంపాదించిన ‘ది…

మానవహక్కుల శిక్షణకు నిధులిస్తా తీసుకో, అమెరికాతో ఈక్వడార్

సార్వభౌమాధికార దేశం అంటే ఇదిగో ఇలా ఉండాలి! ఎంత చిన్న దేశం అయితేనేం, తన సార్వభౌమత్వానికి ప్రతీకాత్మకంగా ఐనా భంగం కలిగించే పెత్తందారీ హెచ్చరికల మొఖం మీద చాచికొట్టినట్లు సమాధానం చెప్పగలిగిన సత్తా ఉన్నపుడు! ఈక్వడార్ ఇప్పుడు అదే చేస్తోంది. ఎడ్వర్డ్ స్నోడెన్ కు రాజకీయ ఆశ్రయం ఇస్తే ఈక్వడార్ కు లబ్ది చేకూర్చే రెండు వాణిజ్య ఒప్పందాలను రద్దు చేస్తానని అమెరికా హెచ్చరించిన గంటలలోపే ఈక్వడార్ దిమ్మ తిరిగే సమాధానం ఇచ్చింది. రష్యా టుడే ప్రకారం,…

స్నోడెన్ మావద్దే ఉన్నాడు, ఎక్కడికైనా వెళ్లొచ్చు -పుటిన్

అమెరికా గూఢచార సంస్ధ ఎన్.ఎస్.ఏ రహస్య ‘హక్కుల ఉల్లంఘన’ను బైట పెట్టిన ఎడ్వర్డ్ స్నోడెన్ తమ వద్దే ఉన్నాడని రష్యా అధ్యక్షుడు వ్లాదిమిర్ పుటిన్ కుండ బద్దలు కొట్టారు. ఆయన స్వేచ్ఛా జీవి అనీ, తాను కోరుకున్న చోటికి నిరభ్యంతరంగా వెళ్లొచ్చని పుటిన్ స్పష్టం చేశారు. స్నోడెన్ ను అమెరికాకు అప్పగించే ఆలోచనేదీ తమకు లేదని కూడా పుటిన్ తెలిపారు. “స్నోడెన్ మాస్కో వచ్చిన మాట నిజం. ఆయన రాక మాకు నిజంగా ఆశ్చర్యాన్ని కలిగించింది. ట్రాన్సిట్…

కారుకూతలు కట్టిపెట్టు! అమెరికాకి చైనా రిటార్ట్

ఉద్దేశ్యపూర్వకంగానే స్నోడెన్ హాంగ్ కాంగ్ వదిలి వెళ్లడానికి సహకరించారనీ, ఇందులో చైనా హస్తం ఉందనీ అమెరికా చేసిన ఆరోపణలను చైనా తిరస్కరించింది. కారు కూతలు కట్టిపెట్టాలని దునుమాడింది. అమెరికా మానవ హక్కుల నమూనా అని భావిస్తే ఆ భ్రమల నుండి బైటికి రావాలని హిత బోధ చేసింది. ఇంటర్నెట్ హక్కుల మేనిపులేటర్ గా అవతరించిన అమెరికా “ఒక పిచ్చి (హక్కుల) ఆక్రమణదారు” అని నిరసించింది. చైనా కమ్యూనిస్టు పార్టీ పత్రిక పీపుల్స్ డైలీ విదేశీ ఎడిషన్ ఈ…

స్నోడెన్ లిబర్టీ – అమెరికన్ లిబర్టీ -కార్టూన్

అమెరికా రాజ్యాధినేతల అక్రమ గూఢచర్యాన్ని లోకానికి తెలిపిన స్నోడెన్ లిబర్టీ ఇప్పుడు భద్రమైన తావు కోసం ఖండాంతరాలు దాటి పరుగులు పెడుతోంది. స్నోడెన్ లిబర్టీ ఇప్పుడు ఘనత వహించిన అమెరికన్ లిబర్టీకి సైతం కంటగింపుగా మారిపోయింది. ప్రఖ్యాత లిబర్టీ విగ్రహాన్ని కేవలం విగ్రహ పాత్ర వరకే పరిమితం చేసింది అమెరికా రాజ్యమైతే, దానికి ప్రాణం పోయడానికి ప్రయత్నిస్తున్నది ఎడ్వర్డ్ స్నోడెన్. అమెరికన్ లిబర్టీ అమెరికన్ రాజులకు ఎంతగా దాసోహం అయిందంటే, ప్రాణం పోసుకున్న లిబర్టీ పైన తానే…

స్నోడెన్ కి షెల్టర్ ఇచ్చారా, జాగ్రత్త! అమెరికా హెచ్చరిక

అమెరికా తన సామ్రాజ్యవాద దురహంకార స్వభావాన్ని ఎటువంటి శషభిషలు లేకుండా మరోసారి చాటుకుంది. సి.ఐ.ఏ మాజీ గూఢచారి ఎడ్వర్డ్ స్నోడెన్ హాంగ్ కాంగ్ వీడి రష్యా వెళ్ళిన నేపధ్యంలో ఆయనకు ఏ దేశమూ షెల్టర్ ఇవ్వడానికి వీలు లేదని హెచ్చరించింది. విద్రోహ నేరం కింద అమెరికాలో ఆయనపై కేసులు నమోదయ్యాయని కాబట్టి ఏ దేశమూ ఆయనకు రక్షణ ఇవ్వడం గానీ, తన గగనతలం గుండా ప్రయాణించే అవకాశం కల్పించడం గానీ చేయరాదని అమెరికా అధికారి ఒకరు హెచ్చరించినట్లు…

అమెరికాకు చైనా ఝలక్, హాంగ్ కాంగ్ వీడిన స్నోడెన్

అమెరికాకు చైనా దిమ్మ తిరిగే ఝలక్ ఇచ్చింది. స్నోడెన్ ను తమకు అప్పగించాలని అమెరికా చేసిన విన్నపాన్ని పక్కకు నెట్టి ఆయన హాంగ్ కాంగ్ వదిలి వెళ్లడానికి అనుమతి ఇచ్చేసింది. ఎన్.ఎస్.ఏ మాజీ కాంట్రాక్టర్, సి.ఐ.ఏ మాజీ టెక్నీషియన్ అయిన ఎడ్వర్డ్ స్నోడెన్ దేశ విదేశీ గూఢచర్యం నేరానికి పాల్పడ్డాడని, ఆయన్ని తమకు అప్పగించాలని అమెరికా, చైనాను కొద్ది రోజుల క్రితం కోరింది. తమ నేరారోపణలకు రుజువుగా కొన్ని పత్రాలను చైనా ప్రభుత్వానికి అందజేసింది. అయినప్పటికీ అమెరికా…