5.23 లక్షల కోట్ల మేరకు రాష్ట్ర జి.డి.పి ఉండగలదని అంచనా వేస్తూ రెవిన్యూ లోటు జి.డి.పి లో 1.16 శాతం గానూ, బడ్జెట్ లోటు జి.డి.పి లో 2.3 శాతం గానూ తేల్చారు. ఈ అంకెలు ఆకర్షణీయంగానే ఉన్నా అసలు ఆదాయం, వ్యయం తేలితేగాని ఈ అంకెల పస తేలదు. బడ్జెట్ ప్రతిపాదనలకు వాస్తవ ఖర్చులకు పొంతన ఉండదని అనుభవం చెబుతున్న సత్యం. బడ్జెట్ ప్రతిపాదనలను ఆర్ధిక వ్యవస్ధను ప్రణాళికాబద్ధంగా నిర్వహించడానికి ఉద్దేశించిన పత్రంగా కాకుండా ఒక…
విభజనానంతర ఆంధ్ర ప్రదేశ్ రాష్ట్రానికి చంద్రబాబు నాయుడు ప్రభుత్వం ప్రకటించిన బడ్జెట్ నేల విడిచి సాము అనడం చిన్నమాట. విభజన వల్ల ఎంతో నష్టపోయామని తెలుగు దేశం ప్రభుత్వ మంత్రులు, నాయకులు ఇప్పటికీ కన్నీళ్లు పెట్టడం మానలేదు. భారీ మొత్తంలో రెవిన్యూ ఆదాయం కోల్పోయామని, హైద్రాబాద్ నగరాన్ని వదులుకోవడం వల్లనే ఈ నష్టం సంభవించిందని చెబుతూనే 13 జిల్లాల ఆంధ్ర ప్రదేశ్ కు రు. 1,11,824 కోట్ల బడ్జెట్ వ్యయాన్ని రాష్ట్ర ప్రభుత్వం ప్రతిపాదించింది. ఇది కాకుండా…
2013-14 ఆర్.బి.ఐ కోశాగార సంవత్సరం (RBI fiscal year) లో భారత సెంట్రల్ బ్యాంకు రు. 52,679 కోట్ల లాభాన్ని ఆర్జించింది. ఇది గత సంవత్సరం లాభంతో పోలిస్తే 14.75 శాతం తక్కువ అని ఆర్.బి.ఐ తెలిపింది. తన లాభం మొత్తాన్ని కేంద్ర ప్రభుత్వానికి తరలిస్తున్నట్లు బ్యాంకు తెలిపింది. ఆర్.బి.ఐ కోశాగార సంవత్సరం జులైలో ప్రారంభమై జూన్ తో ముగుస్తుంది. అనగా జాతీయ ఆర్ధిక సంవత్సరం లేదా జాతీయ కోశాగార సంవత్సరం కంటే ఆర్.బి.ఐ ఆర్ధిక సంవత్సరం…
మిత్రులు కొందరు గతంలో రాసిన ఈనాడు వ్యాసాలు అన్నీ అందుబాటులో ఉన్నాయా అని అడుగుతున్నారు. బ్లాగ్ లో అన్నీ ఉంటే వాటికి లింక్ లు ఇవ్వాలని కోరుతున్నారు. వారి కోరికను దృష్టిలో పెట్టుకుని ఇప్పటి వరకు ఈనాడులో ప్రచురించబడిన ఈనాడు వ్యాసాలకు లంకెలు కింద ఇస్తున్నాను. *** జాతీయ అంతర్జాతీయ పరిస్ధితులపై అవగాహన సాధించడమెలా? -1వ భాగం సమాచార సేకరణకు చక్కని దారులు -2వ భాగం పరిభాష తెలిస్తే తేలికే -3వ భాగం ఐక్యవేదికలూ… వ్యూహాలూ -4వ…
ఈ రోజు నుండి ఈనాడు పత్రికలో ‘పొలిటికల్ ఎకానమీ’ కోణంలో సమాజాన్ని అర్ధం చేసుకోవడం ఎలా అన్న అంశంపై వ్యాసావళి ప్రారంభించాను. సమాజాన్ని, అందులో పరస్పర సంబంధంతో కలగలిసిపోయి ఉండే వివిధ అంశాలను వివిధ శాస్త్రాలుగా విడగొట్టుకుని చదువుకుంటున్నాం గానీ సామాజిక ఆచరణలో అవన్నీ ఒకటే. సామాజిక జీవనంలో రాజకీయార్ధిక కోణం అత్యంత ముఖ్యమైనది. సామాజిక జీవనానికి అదే పునాది కూడా. దీన్ని సరళంగా అర్ధం చేసుకోగలిగితే ఒక తాత్విక దృక్పధాన్ని అలవారుచుకోవడం తేలిక అవుతుంది. ఉన్నత…
స్వదేశీ, విదేశీ ప్రైవేటు కంపెనీలతో, వ్యాపార వర్గాలతో స్నేహపూర్వకంగా వ్యవహరిస్తామని మోడి ప్రభుత్వం హామీ ఇచ్చింది. కానీ సదరు హామీని మొదటి అడుగులోనే హుళక్కి చేయడంలో ప్రతిపక్ష కాంగ్రెస్ సఫలం అయింది. పాతికేళ్లలో మొదటిసారిగా పూర్తి మెజారిటీ సంపాదించినా అది ఎన్నికల హామీలకు అక్కరకు రాకుండా పోయింది. పాలక, ప్రతిపక్ష పార్టీలు రెండింటికీ ఉపయోగపడే జ్యుడీషియల్ కమిషన్ బిల్లును రెండు సభల్లో ఆమోదింపజేసుకున్నప్పటికీ భీమా ఎఫ్.డి.ఐ పరిమితి పెంపు బిల్లును మాత్రం గట్టెక్కించలేకపోయింది. నిజానికి భీమా ఎఫ్.డి.ఐ…
భారత రిజర్వ్ బ్యాంకు గవర్నర్ బాంబు పేల్చారు. మరోసారి ప్రపంచ ఆర్ధిక సంక్షోభం సంభవించవచ్చని హెచ్చరించారు. ఆయన చెబుతున్నది 2008 నాటి సంక్షోభం తరహాది కూడా కాదు. ఏకంగా 1930ల నాటి మహా మాంద్యం తరహాలోనే సంక్షోభం రావచ్చని హెచ్చరించారు. 2008 నాటి సంక్షోభాన్ని ‘ద గ్రేట్ రిసెషన్’ అని పిలవగా, 1930ల నాటి సంక్షోభాన్ని ‘ద గ్రేట్ డిప్రెషన్’ గా పిలిచారు. రిసెషన్ కంటే డిప్రెషన్ మరింత లోతైన, విస్తారమైన సంక్షోభం. ఆనాటి డిప్రెషన్ నుండి…
చందన: శేఖర్ గారూ, ద్రవ్య పెట్టుబడి వచ్చి వెళ్ళిపోవడం వల్ల వచ్చిన నస్టం ఏమిటి? దాని డబ్బు అది తీసుకునిపొతుంది. దానిస్తానంలొ కొన్నవాళ్ళ పెట్టుబడి వస్తుంది కదా? మరి ఏమిటి నస్టం. మరొ ప్రశ్న. ప్రపంచ బ్యాంకు ద్వారా అప్పు తీసుకున్న దేశాలు దివాళా తీశాయని, సంక్షొభంలొ కూరుకపొయాయని చాలాసార్లు పేపర్లొ ,పుస్తకాలలొ చదివాను. అయితె ఎక్కడాకూడా వివరణ లేదు. అప్పుతీసుకున్న దేశం తీసుకున్న డబ్బుకు వడ్డీ, అసలు చెల్లిస్తుంటుంది. మరి ప్రపంచ బ్యాంకుకు అప్పు తీసుకున్న…
శ్రావణ్ కుమార్: రిట్రాస్పెక్టివ్ టాక్స్ అంటే ఏమిటి? మీకు సమయం ఉంటే పూర్తి వివరాలు ఇవ్వగలరు. సమాధానం: రిట్రాస్పెక్టివ్ అంటే ఈ సందర్భంలో అర్ధం, గత కాలానికి కూడా వర్తించేది అని. ప్రభుత్వాలు చట్టాలు చేసేటప్పుడు ఆ చట్టం యొక్క స్వభావాన్ని బట్టి ఎప్పటి నుండి వర్తించేది కూడా చట్టంలో పొందుపరుస్తారు. వెంటనే అమలులోకి వచ్చేటట్లయితే ‘with immediate effect’ అంటారు. గతంలో నిర్దిష్ట తేదీ నుండి వర్తింపజేయాలని భావిస్తే ఆ తేదీని చట్టంలో పొందుపరుస్తారు. ఇలా…
జులై 16 తేదీన ముగిసిన బ్రిక్స్ కూటమి శిఖరాగ్ర సమావేశాల అనంతరం సభ్య దేశాధినేతలు చేసిన ప్రకటనతో ‘నూతన అభివృద్ధి బ్యాంకు’ (న్యూ డెవలప్ మెంట్ బ్యాంకు) లాంఛనప్రాయంగా ఉనికిలోకి వచ్చింది. బ్యాంకుకు తుదిరూపు ఇస్తూ ఐదు వర్ధమాన దేశాల కూటమి బ్రిక్స్ (బ్రెజిల్, రష్యా, ఇండియా, చైనా, సౌత్ ఆఫ్రికా) శిఖరాగ్ర సమావేశాలు బ్రెజిల్ నగరం ఫోర్టాలెజా లో ముగిశాయి. గత సంవత్సరం దక్షిణాఫ్రికా నగరం దర్బన్ లో జరిగిన సమావేశాలలో నిర్ణయించినట్లుగానే బ్రిక్స్ కూటమి…
దళారులకు, మిల్లర్లకు లాభం చేకూర్చుతూ కేంద్ర ప్రభుత్వం చాప కింద నీరులా రాష్ట్ర ప్రభుత్వాలకు ఆదేశాలు జారీ చేసింది. గిట్టుబాటు ధరలకోసం ఆందోళన చేస్తున్న రైతుల సమస్యలను ఆలకించడం మాని వారి డిమాండ్ కు సరిగ్గా వ్యతిరేక నిర్ణయాన్ని చేసి రాష్ట్రాలకు సమాచారం పంపింది. గిట్టుబాటు ధరకు బదులుగా బోనస్ చెల్లిస్తున్న రాష్ట్రాలు అలా చెల్లించడానికి వీల్లేదని స్పష్టం చేసింది. సబ్సిడీ భారాన్ని తగ్గించుకునే పేరుతో ఈ నిర్ణయాన్ని చేసింది. “మతిమాలిన పాపులిస్టు విధానాలను ఒప్పుకోము” అని…
వ్యవసాయ, డ్వాక్రా రుణాల రద్దుకు హామీ ఇచ్చిన ఆంధ్ర ప్రదేశ్, తెలంగాణ ప్రభుత్వాలకు ఆర్.బి.ఐ నుండి సమాచారం వచ్చినట్లు తెలుస్తోంది. ఈ సమాచారం ప్రకారం రైతు, డ్వాక్రా మహిళల రుణాలను రద్దు చేసేందుకు ఆర్.బి.ఐ సుముఖంగా లేదు. కేవలం రీషెడ్యూల్ మాత్రమే చేయడానికి అంగీకరించింది. అది కూడా షరతులతో. విచిత్రంగా రాష్ట్ర ప్రభుత్వాలు కూడా రీ షెడ్యూల్ మాత్రమే కోరినట్లు ఆర్.బి.ఐ సమాచారం బట్టి అర్ధం అవుతోంది. పంట రుణాల రీ షెడ్యూల్ ప్రతిపాదనలకు సూత్రబద్ధంగా ఆమోదం…
“బహుశా సామాన్యుడికి ఎంతో కొంత జారిపడుతుందేమో…” *** మోడి-జైట్లీల బడ్జెట్ పై సునిశిత విమర్శ ఈ కార్టూన్! పెట్టుబడిదారీ ఆర్ధికవేత్తలు ‘ట్రికిల్ డౌన్ ధియరీ” అని ఒక తలకు మాసిన సిద్ధాంతాన్ని చెబుతుంటారు. ఈ సిద్ధాంతం అంటే పెట్టుబడిదారీ కంపెనీలకు చెప్పలేనంత ఇష్టం. ఉన్నదంతా తమకే దోచి పెట్టమని చెప్పే సిద్ధాంతం వారికి ఎందుకు ఇష్టం ఉండదు. ఆర్ధిక పిరమిడ్ లో పైన ఉన్న కొద్ది మందికి బడ్జెట్ లో అధిక మొత్తాన్ని ఇచ్చేస్తే అది బొట్లు…
ఆర్ధిక మంత్రి అరుణ్ జైట్లీ తన నోటితో చదవని భారీ సంస్కరణలు బడ్జెట్ లో దండిగానే ఉన్నాయి. ఆంగ్లంలో బిగ్ టికెట్ రిఫార్మ్స్ గా పశ్చిమ కార్పొరేట్ పత్రికలు పిలిచే ఈ సంస్కరణలే బడ్జెట్ అసలు సారాంశం. జనం మెచ్చే కేటాయింపులు సభలో చదివి తక్షణం ప్రతిపక్షాలు, ప్రజల నుండి విమర్శలు ఎదురయ్యే ప్రతిపాదనలను చదవకుండా ఆర్ధికమంత్రి జాగ్రత్తపడ్డారు. తద్వారా పేదలది ఎంతమాత్రం కాని బడ్జెట్ ని “ఇది పేదల బడ్జెట్” అని ప్రధాని నిరభ్యంతరంగా ప్రకటించే…
వ్యవసాయ రంగం భారత దేశంలో ఇప్పటికీ 60 శాతం ప్రజానీకానికి వ్యవసాయ రంగమే ఉపాధి ఇస్తోంది. బ్యాంకులు, ఇన్సూరెన్స్, హోటళ్లు లాంటి సేవా రంగాలతో పాటు వ్యాపార రంగానికి, నిర్దిష్ట పారిశ్రామిక రంగాలకు కూడా వ్యవసాయ ఉత్పత్తులు, వ్యవసాయ ఆదాయం ప్రధాన వనరుగా ఉపయోగపడుతుంది. అనగా వ్యవసాయరంగం కుంటుబడితే దాని ఫలితం బహుళవిధాలుగా ఆర్ధిక వ్యవస్ధపై పడుతుంది. వ్యవసాయ ఉత్పత్తులు, వ్యవసాయ ఆదాయంపై ఆధారపడిన రంగాలన్నీ ప్రభావితమై అనేక రేట్లు ప్రతికూల ప్రభావం ఆర్ధిక వ్యవస్ధపై పడుతుంది.…
జాతీయ అంతర్జాతీయ వార్తలు, విశ్లేషణ 