ఎఎపి గెలుపుకు కారణం ఏమిటన్న ఒకే ఒక్క అంశంపై పుంఖాను పుంఖాలుగా వ్యాసాలు, విశ్లేషణలు, నివేదికలు, అధ్యయనాలు వెలువడుతున్నాయి. అవన్నీ ఎలా ఉన్నాయో ఈ కార్టూన్ చక్కగా వివరిస్తోంది. ప్రజల ప్రయోజనమే రాజకీయాల లక్ష్యం అన్న ప్రాధమిక సూత్రం తెలిసిన వారికి ఎఎపి గెలుపు ఎలా సాధ్యం అయిందో తెలియడానికి పెద్దగా సిద్ధాంతాలతో పని లేదు. బూటకపు వాగ్దానాలు కురిపించడానికి ఏ మాత్రం సిగ్గుపడని, స్వార్ధ ప్రయోజనాలే పరమావధిగా పని చేసే పార్టీలు నిండా వ్యాపించిన…

ఒబామా: “మరొకసారి జంట స్తంభాలు కూలిపోయాయి, కానీ విమానం మాత్రం భద్రంగా ఉందే” ********* అద్భుతమైన కార్టూన్ కదా! అమెరికా అధ్యక్షుడు ఒబామా ఇటీవలే ఇండియా సందర్శించిన సంగతి తెలిసిందే. ఒబామా పర్యటన విజయవంతం అయిందని మోడి, బి.జె.పిలు ఆ తర్వాత ఢంకా బజాయించారు. చాలా పత్రికలు అదే నమ్ముతూ తాము కూడా శక్తి కొద్దీ ఢంకాలు బజాయించాయి. దానితో పాటు ‘ఆ విజయం ఢిల్లీ ఎన్నికల్లో మోడీకి ఉపయోగపడుతుంది’ అని కూడా చెప్పాయి. తీరా చూస్తే…

  “వటుడింతింతై…” అన్నట్లుగా ఎదిగిపోయిన సామాన్యుడి పార్టీని చూసి తెల్లబోయే పని ఇప్పుడు బి.జె.పి సామ్రాజ్యాధీశుల వంతు. ‘లోక్ పాల్’ చట్టం కోసం హజారే, అరవింద్, బేడి, భూషణ్ ల బృందం జనాన్ని వెంటేసుకుని ఉద్యమిస్తున్నప్పుడు ‘మీరు రాజకీయాల్లోకి వచ్చి చూడండి. అదెంత కష్టమైన పనో’ అంటూ కాంగ్రెస్, బి.జె.పి పార్టీల నాయకులు ఎకసక్కెం చేశారు. “అయితే మేమూ రాజకీయాల్లోకి వచ్చి చూపిస్తాం. పార్టీ పెట్టి ప్రజల కోసం చేసే పాలన ఎంత తేలికో చూపిస్తాం” అంటూ…

అసలే పరువు పోయి బాధలో ఉన్నపుడు మిత్రుడు చేసే సరదా ఎగతాళి కూడా కోపం తెప్పిస్తుంది. మిత్రులు అనుకున్నవాళ్లు సీరియస్ గానే ఎగతాళి చేస్తే ఇక వచ్చే ఆగ్రహం పట్టలేము. బి.జె.పి పరిస్ధితి ప్రస్తుతం ఇలాగే ఉంది. ఏఏపి చేతుల్లో చావు దెబ్బ తిన్న దిగ్భ్రాంతి నుండి ఇకా బైటపడక ముందే మహారాష్ట్రలో మిత్ర పక్షంగా అధికారం పంచుకుంటున్న శివ సేన ఎగతాళి ప్రకటనలు చేస్తూ బి.జె.పి దుంప తెంచుతోంది. “వేవ్ కంటే సునామీ ఇంకా శక్తివంతమైనదని…

ఆమ్ ఆద్మీ దెబ్బ ఏమిటో సంపన్నులకు రుచి చూపిన ఘనత ప్రస్తుతానికి ఆమ్ ఆద్మీ పార్టీకి అప్పజెబుదాం. ఎన్ని పరిమితులు ఉన్నప్పటికీ ఈ మధ్య కాలంలో భారత దేశంలోని సామాన్య కార్మికవర్గ పౌరుడు కాస్త గర్వంగా తల ఎగరవేయదగ్గ రోజు ఈ రోజని చెప్పడంలో సందేహం లేదు. స్ధల, కాల పరిమితులను దృష్టిలో పెట్టుకుంటే భారత దేశంలోని పార్లమెంటరీ రాజకీయాల్లో అచ్చంగా సామాన్య ప్రజలు ఐక్యమై పాలకవర్గాలకు వారి వెనుక ఉన్న సంపన్న కులీన దోపిడీ శక్తులకు…

లోక్ సభ ఎన్నికలకు ముందు కాంగ్రెస్ ఎదుర్కొన్న పరిస్ధితిని ఢిల్లీ ఎన్నికలకు ముందు బి.జె.పి ఎదుర్కొంది. ఇంకా చెప్పాలంటే ఆనాడు బి.జె.పి ప్రదర్శించిన ఓటు చతురతను ఈ రోజు ఎఎపి ప్రదర్శించింది. వ్యక్తిగత స్ధాయికి వెళ్ళినట్లయితే ఆనాడు మోడి కనపరిచిన చాతుర్యం ఈ రోజు అరవింద్ కేజ్రీవాల్ కనబరుస్తున్నారు. లోక్ సభ ఎన్నికల సందర్భంగా కాంగ్రెస్ నిస్పృహతో చేసిన విమర్శలను తన ప్రచారాస్త్రాలుగా మోడి/బి.జె.పి మలుచుకున్నారు. ఢిల్లీ ఎన్నికల్లోనూ బి.జె.పి ఒకింత బెదురుతో, నిస్పృహతో చేసిన విమర్శలను…

ఢిల్లీ ఎన్నికలపై బి.జె.పి పెట్టుకున్న ఆశల్ని ఎఎపి వమ్ము చేసేట్లే ఉంది. దేశంలోని రాజకీయ పార్టీలన్నీ ఢిల్లీ ఇమాం మద్దతు కోసం ఎదురు చూస్తుంటే ఆ ఇమామే ఎదురొచ్చి మద్దతు ఇస్తానంటున్నా ‘వద్దు, పొమ్మని’ ఎఎపి తిరస్కరించింది. ఫలితంగా, ఢిల్లీ ఓటర్లను మత ప్రాతిపదికన చీల్చే అమూల్య అవకాశం బి.జె.పికి దూరం అయింది. జామా మసీదు షాహీ ఇమాం సయ్యద్ బుఖారి ఇటీవల ఎఎపి పార్టీకి మద్దతు ప్రకటించారు. ఎఎపి కోరనప్పటికీ ఆయనే స్వయంగా ముందుకు వచ్చి…

“ఇదేదో మన పీకల మీదికే వచ్చేట్లుంది….” ************ అన్నా హజారే అవినీతి వ్యతిరేక ఉద్యమం పస ఏమిటో, అది ఎందుకు ఎవరి ప్రోద్బలంతో మొదలై చివరికి చప్పగా ముగిసిందో జనానికి బహుశా ఇప్పుడు తెలిసి ఉండాలి. అలాగే, అవినీతి వ్యతిరేక ఉద్యమం లోక్ పాల్ చట్టాన్ని సాధించలేని పరిస్ధితుల్లో ఇక రాజకీయాల్లోకి దిగుదామని కొత్త పార్టీ పెడదామని అరవింద్ కేజ్రీవాల్ ప్రతిపాదించినప్పుడు ఆయన కొలీగ్ కిరణ్ బేడీ ఎందుకు అంత తీవ్రంగా వ్యతిరేకించారో కూడా ఇప్పుడు జనానికి…

ఢిల్లీ ఎన్నికలు ఖాయం అయ్యాయి. మైనారిటీ ప్రభుత్వం ఏర్పాటు చేసేందుకు బి.జె.పి సుముఖంగా లేకపోవడంతో ఢిల్లీ లెఫ్టినెంట్ గవర్నర్ నజీబ్ జంగ్ అసెంబ్లీని రద్దు చేయాలని సిఫారసు చేశారు. అది కూడా సుప్రీం కోర్టు తీవ్ర అసహనం వ్యక్తం చేశాకనే సాధ్యపడిందన్నది వేరే సంగతి. జంగ్ సిఫారసుకు రాష్ట్రపతి ఆమోద ముద్ర కూడా పడింది. ఇక నోటిఫికేషన్ వెలువడడమే తరువాయి. కానీ ఎఎపి పరిస్ధితి అప్పటిలాగా లేదని ఈ కార్టూన్ సూచిస్తోంది. అవినీతి వ్యతిరేక ఉద్యమం నుండి…

ఆమ్ ఆద్మీ పార్టీ/అరవింద్ కేజ్రీవాల్ పరిస్ధితి ఇప్పుడు కుడితిలో పడ్డ ఎలుకలా మారింది. ఢిల్లీలో మళ్ళీ ఎన్నికలు జరిపించాలన్న లక్ష్యంతో తాము వేసిన పిటిషన్ చివరికి బి.జె.పి ప్రభుత్వం ఏర్పాటుకు దారితీయబోతోంది. అరవింద్ వెల్లడి చేసిన వీడియో దృష్ట్యా ఢిల్లీలో ఎంత త్వరగా ప్రభుత్వం ఏర్పాటు చేస్తే అంత మంచిదని సుప్రీం కోర్టు ఈ రోజు వ్యాఖ్యానించింది. దానితో పిటిషన్ వేసిన లక్ష్యం నెరవేరకుండా పోతోంది. తదుపరి ప్రధాన న్యాయమూర్తిగా ఎన్.డి.ఏ ప్రభుత్వం ఆమోదించిన జస్టిస్ హెచ్.ఎల్.దత్తు…