“చివరికి ఈ పరిస్ధితి వచ్చిందా! మన గురువుగారు అద్వానీజీని గురువు స్ధానంలోనే ఉండమని నచ్చజెప్పడానికి ఒక రధయాత్ర చేయాల్సివచ్చిందన్నమాట!” మొత్తం మీద బి.జె.పి పార్టీకి ఒక యజ్ఞం పూర్తయింది. ప్రధాన మంత్రి పదవి కుర్చీలో కూర్చోవాలన్న అద్వానీ కలను నరేంద్ర మోడి గద్దలా వచ్చి తన్నుకుపోయారు. రధయాత్రతో మత ఘర్షణల మంటలు రేపి పార్లమెంటులో సీట్ల చలి కాచుకున్న గురువు గారికి, దేశచరిత్రలో మచ్చగా మిగలాల్సిన కరసేవకుల దహనాన్ని ముస్లింల దహనకాండతో మాపుకున్న శిష్యుడు! గురువును మించిన…

హాలీవుడ్ యాక్షన్ ధ్రిల్లర్ ‘టెర్మినేటర్ 2: జడ్జిమెంట్ డే’ సినిమాలో హీరో, విలన్ ల విన్యాసాలు సంభ్రమాశ్చర్యాలు కలిగిస్తాయి. ఇప్పుడంటే అలాంటి గ్రాఫిక్ సీన్లు మామూలయ్యాయి గాని రెండు దశాబ్దాల క్రితం ఆ తరహా గ్రాఫిక్స్ ప్రేక్షకుల్ని నిజంగానే భవిష్యత్తుకి తీసుకెళ్ళాయి. ముఖ్యంగా ఆ విలన్ ఏ పాత్రలోకయినా ఇట్టే పరకాయ ప్రవేశం చేస్తుంటాడు. రంధ్రాల గుండా, సందుల గుండా ఎక్కడికంటే అక్కడికి పాదరసంలా జారిపోతూ కావలసిన రూపంలోకి మారిపోతూ ప్రేక్షకుల్ని కట్టి పడేస్తాడు. ఇప్పుడు బి.జె.పిలో…

బి.జె.పి అంతర్గత సంక్షోభం పై ది హిందూ పత్రిక స్ధిరంగా కేంద్రీకరించి కార్టూన్ లు ప్రచురిస్తోంది. గత పది రోజుల్లో ప్రచురించబడిన పది కార్టూన్ లలో ఆరు బి.జె.పి, ఆ పార్టీ నాయకులపైనే కావడం బట్టి ఈ సంగతి తెలుస్తోంది. ఈ ఆరింటిలో ఐదు కార్టూన్లు అంతర్గత సంక్షోభం పైన గీసినవే. పార్టీ పదవులకు రాజీనామా ద్వారా అద్వానీ ఏమి సాధించదలిచారు? పోనీ ఏమి సాధించారు? ఆవేశంతో రాజీనామా విసిరి కొట్టిన అద్వానీ తీరా ఆర్.ఎస్.ఎస్ ఆదేశాలతో…

బి.జె.పి అధ్యక్షుడి కర్తవ్య నిర్వహణ ఇప్పుడు కత్తి మీది సాము అయింది. కాదు, కాదు… కత్తి మీద సవారీ అయింది. ఆయన అటు ఎన్.డి.ఏ పక్షాలను దారికి తెచ్చుకోవాలి. ఇటు బి.జె.పి లోని నాయకులను ఒక దారిలో నడిచేట్లు చేయగలగాలి. అద్వానీ తిరుగుబాటుతో బి.జె.పి లోని చీలికలు స్పష్టంగా లోకానికి తెలిసి వచ్చాయి. ఇన్నాళ్లూ ఊహాగానాలతో సాగుతూ, బి.జె.పి నాయకుల తిరస్కరణలతో కప్పి ఉంచబడిన బి.జె.పి లుకలుకలకు అద్వానీ తిరుగుబాటు అచ్చమైన జీవం పోసింది. ఆర్.ఎస్.ఎస్ జోక్యంతో…

‘కష్టే ఫలి’ అంటారు అద్వానీ లాంటి పెద్దలు. ‘కృషితో నాస్తి దుర్భిక్షం’ అని కూడా చెబుతారు. భాజపా సీనియర్ నాయకుడు, భీష్మ పితామహుడుగా కొనియాడబడే లాల్ కృష్ణ అద్వానీ ‘ప్రధాని పదవి’ అనే ఫలితం కోసం ఎన్నాళ్లుగానో ఎదురు చూశారు. దానికోసం తీవ్రంగా శ్రమించారు. శిలాన్యాస్ కోసం ప్రతి ఊరి నుండి ఇటుక తెచ్చినట్లుగా ఒక్కో ఇటుక పేర్చుకుంటూ తన కలల సౌధాన్ని నిర్మించుకున్నారు. రధ యాత్రలు చేశారు, మత కల్లోలలాను సృష్టించారు. 2 నుంది 80…

తనచేత అస్త్ర సన్యాసం ఎలా చేయించాలో నేరుగా పాండవుల చెంతనే గుట్టు విప్పిన కురు పితామమహుడు భీష్ముడు. ఆ విధంగా ఆయన తన పాండవ పక్షపాతాన్ని ఎటువంటి శషభిషలు లేకుండా చాటుకున్నాడు. అయితే అది వ్యక్తిగతమే. ఆయన యుద్ధం చేసినంతవరకు కౌరవుల తరపున చేలెరేగి పోరాడాడు. ఆయన యుద్ధ కౌశల విశ్వరూపానికి తట్టుకోలేకనే పాండవులు ఆయన్ని ఎలా కూల్చివేయాలో భీష్ముడినే సలహా కోరినట్లు మహా భారతం చెబుతోంది. కౌరవులకు భీష్ముడు ఎలాగో, బి.జె.పికి అద్వానీకి అలాంటివారు. ఆర్.ఎస్.ఎస్…

పాపం అద్వానీ! ఎన్ని ఎత్తులు, ఎన్ని పై ఎత్తులు! ఎన్ని ఎదురు చూపులు, ఆ ప్రధాని కుర్చీకోసం? తనను మించిన సీనియర్ పార్టీలో లేకపోయినా, జనంలో బహుశా తనకు మించిన ఆమోదనీయత కూడా పార్టీలో ఎవరికీ లేకపోయినా ఆ ప్రధాని కుర్చీ మాత్రం అద్వానీకి అందని ద్రాక్షగానే మిగిలిపోయింది. రానున్న పార్లమెంటరీ ఎన్నికలకు గాను ప్రచార కమిటీ సారధ్య బాధ్యతలను నరేంద్ర మోడీకి అపజెప్పడం ద్వారా బి.జె.పి జాతీయ కార్యవర్గం తమ ప్రధాని అభ్యర్ధి ఎవరో చెప్పినట్లేనని…

రాజకీయ పార్టీల్లో నాయకులకు పదవి, హోదా, గౌరవం ఎలా రావాలి? మొదట వారికి ప్రజాదరణ ఉండాలి. అనంతరం ప్రజాదరణ ఉన్న నాయకుల ఆమోదం ఉండాలి. ఈ రెండు పక్షాలు కాస్త అటూ ఇటూ అయినా నష్టం లేదు. కనీసం ఒక పక్షం ఆదరణ పొందినా రెండో పక్షం ఆదరణ ఎదోలా పొందారనిపించుకోవచ్చు. కానీ రెండూ లేకపోతే కష్టమే. బి.జె.పి నాయకుడు నరేంద్ర మోడీకి ఈ రెండూ ఉన్నాయా? లేక రెండూ లేవా? లేక ఒకటి ఉండి మరొకటి…

బిజెపి అగ్రనాయకుడు గత సంవత్సరం ఒక అనూహ్యమైన వ్యాఖ్య చేశారు. దేశంలో ప్రధాన పార్టీలయిన కాంగ్రెస్, బిజెపి నాయకులు కాకుండా ఇతర పార్టీల నాయకులే ఈసారి ప్రధాని అయ్యే అవకాశాలు ఎక్కువగా ఉన్నాయని. ప్రధాన మంత్రి పదవి కోసం కలలు కంటున్నారని భావిస్తున్న అద్వానీ, ఉన్నట్టుండి ఇలా అన్నారేవిటా అని పరిశీలకులు ఆశ్చర్యం వెలిబుచ్చారు. బహుశా బిజెపి లోనే ప్రధాని పదవికి పోటీగా వస్తున్న గుజరాత్ ముఖ్యమంత్రి నరేంద్ర మోడీకి ఝలక్ ఇవ్వడానికి అద్వానీ ఒక అస్త్రాన్ని…

భారతీయ జనతా పార్టీ అగ్ర నాయకుడు ఎల్.కె.అద్వానీ జన్ లోక్ పాల్ కావాలంటున్న అన్నా బృందం, ఆయన ఇతర మద్దతుదారుల డిమాండ్ కు కొత్త భాష్యం చెప్పాడు. జన్ లోక్ పాల్ బిల్లు మాత్రమే అంగీకారయోగ్యం అంటున్న వారు చిన్నబుచ్చుకునేలా అద్వాని వ్యాఖ్యలు ఉన్నాయి. శుక్రవారం తన నివాసం వద్ద తనను కలిసిన ఐ.ఐ.టి విద్యార్ధులతో మాట్లాడుతూ అద్వానీ లోక్ పాల్ బిల్లు గురించి కొన్ని విషయాలు చర్చించాడు. జన్ లోక్ పాల్ బిల్లులో కొన్ని ప్రాధమికమైన…