జనం సొమ్ము దాచి పెడతామని తీసుకునే బ్యాంకులు ఇప్పుడు ఆ సొమ్ములో సాధ్యమైనంత గరిష్ట భాగాన్ని సొంతం చేసుకునేందుకు సవాలక్ష నిబంధనలు విధిస్తున్నాయి. డీమానిటైజేషన్ తో మొదలైన మోడి గారి విశ్వరూపం మరింతగా విస్తరిస్తూ అచ్చే దిన్ అసలు అర్ధం ఏమిటో జనానికి విప్పి చెబుతోంది. స్టేట్ బ్యాంక్ ఆఫ్ ఇండియా ‘కనీస డిపాజిట్’ నిబంధనను సడలించవచ్చో లేదో కాస్త పరిశీలించాలని కేంద్ర ప్రభుత్వం విజ్ఞప్తి చేసింది. కేంద్రం కనుసన్నల్లో, అదుపాజ్ఞల్లో నడిచే ఎస్‌బి‌ఐకి ఆ కేంద్రమే…
హస్తిమశకాంతరం అంటే ఇదే కావచ్చు. ముఖ్యమంత్రిగా జయలలిత కూర్చున్న కుర్చీని ఇప్పుడు పన్నీర్ సెల్వం (OPS) అధిరోహించారు. ఆమె సింహాసనంపైన ఈయన ఎలకలా కనిపిస్తున్నారు. ఈ అంతరం శరీర పరిమాణంలో నిజమే, స్టేచర్ లోనూ నిజమే!
వారెవా! కార్టూనిస్టుకి సలాం చేయకుండా ఎవరైనా నిభాయించుకోగలరా?! ‘సర్జికల్ స్ట్రైక్స్’ అంటూ దేశంలో రెచ్చగొట్టిన ఉన్మాదానికి అసలు లక్ష్యం ఏమిటో కార్టూన్ ప్రతిభావంతంగా చాటుతోంది. బహుశా ఈ తరహా కార్టూన్ ఒక కేశవ్ కే సాధ్యం అనుకుంటాను. మోడి అధికారం చేపట్టినాక జాతీయవాదం లేదా జాతీయత అన్న వ్యక్తీకరణలకి అర్ధం పూర్తిగా మారిపోయింది. జాతి అంటే జనులు అన్న సామాన్య అర్ధం గంగలో కలిసిపోయింది. దేశం అంటే ప్రజ అన్న ఉదాత్త భావన ఉన్మాదపూరిత నినాదాలతో కల్తీ…
“హస్తిమశకాంతరం” అని తెలుగులో ఒక పదబంధ ప్రయోగం ఉంది. హస్తి అంటే ఏనుగు; మశకం అంటే దోమ. ఏనుగుకు, దోమకు ఉన్నంత తేడా అని దీని అర్ధం. మొన్న మన ఆర్ధిక మంత్రి గారు, సగర్వంగా -ప్రధాన మంత్రి మోడి ప్రశంసల మధ్య- ప్రకటించిన నల్ల డబ్బుకీ, ఎన్నికలకు ముందు మోడి ప్రకటించిన నల్ల డబ్బు అంచనాకు మధ్య ఉన్న తేడాను ఈ పదబంధంతో చెప్పవచ్చు. తమ ఐ‌డి‌ఎస్ (ఆదాయ ప్రకటన పధకం) స్కీం ద్వారా 65…
జర్మనీలో రెండవ అతి పెద్ద నగరం (రెండవ అతి చిన్న రాష్ట్రం కూడా) హ్యాంబర్గ్ నగర కమిషనర్ వాట్సప్ నిర్వహిస్తున్న అనైతిక కార్యకలాపాలపై కొరడా ఝళిపించింది. వినియోగదారుల ఫోన్ నెంబర్లు, వ్యక్తిగత వివరాలను పేస్ బుక్ కంపెనీతో షేర్ చేయటాన్ని నిషేదించింది. కంపెనీ ఇచ్చిన హామీని గుర్తు చేసి దాన్ని నిలబెట్టుకోవాలని హెచ్చరించింది. వాట్సప్ ను అత్యధిక ధర పెట్టి ఫేస్ బుక్ కొనుగోలు చేసినప్పుడు రెండు కంపెనీలు పలు నీతులు చెప్పాయి. హామీలు ఇచ్చాయి.…
సిరియాలో టెర్రరిస్టులను ప్రవేశపెట్టిన అమెరికా మిత్ర దేశాలలో టర్కీ ఒకటి. సౌదీ, కతార్, యూ‌ఏ‌ఈ లాంటి అరబ్ షేక్ ప్రభుత్వాలు డబ్బు గుమ్మరిస్తే, పశ్చిమ దేశాలతో సహా ప్రపంచం నలు మూలల నుండి ఇస్లామిక్ యువతను సమీకరించే పనిని అమెరికా, సౌదీ, ఐరోపా దేశాల ఇంటలిజెన్స్ సంస్ధలు చేపట్టగా, వారికి శిక్షణ ఇచ్చి సిరియా-టర్కీ సరిహద్దు గుండా సిరియాలో ప్రవేశపెట్టే బాధ్యత టర్కీ తీసుకుంది. ఇసిస్ మూకలు సిరియా నుండి దొంగిలించిన చమురు సరఫరా చేస్తుంటే దానిని…
పాపం నవ జ్యోత్ సింగ్ సిద్ధూ! పంజాబ్ రాష్ట్ర ముఖ్యమంత్రి అవుదామని ఆశపడి ఏ‌ఏ‌పి లో జొరబడబోయారు. కానీ సి‌ఎం పదవి అప్పగించేందుకు ఏ‌ఏ‌పి ఒప్పుకోకపోవడంతో ఆవాజ్-ఏ-పంజాబ్ పేరుతో కూటమి పెడుతున్నట్లు ప్రకటించారు. కానీ తమ ఫ్రంటు ఒక ఫోరంగా మాత్రమే ఉంటుందని ఎన్నికల్లో పోటీ చేయబోదని ప్రకటించి అందరినీ ఆశ్చర్యంలో ముంచేశారు. తాను పార్టీ పెడితే అకాలీ వ్యతిరేక ఓట్లు చీలి మళ్ళీ అకాలీకే లాభిస్తుందని అందుకని పోటీ చేయడం లేదని ప్రకటించారు. ప్రకటించిన కారణం…
మోడీ ప్రభుతల్వాన్ని ‘సూట్ బూట్ కి సర్కార్’ గా కాంగ్రెస్ నేత రాహుల్ గాంధీ ఓ సారి పార్లమెంటులో విమర్శించారు. అప్పటి నుండి రాహుల్ విమర్శను నిజం చేయడానికి ప్రధాన మంత్రి మోడీ శక్తివంచన లేకుండా కృషి చేస్తున్నారు. కోట్ల రూపాయల ఖరీదు చేసే కోటు ధరించి అమెరికా అధ్యక్షుడిని కలుసుకోవడం దగ్గరి నుండి, దాదాపు ప్రతి ముఖ్యమైన విదేశీ పర్యటనలోను పారిశ్రామికవేత్త అదానీ ని వెంట బెట్టుకు వెళ్లడం వరకు నరేంద్ర మోడీ రాహుల్ గాంధీ…
ఈ కార్టూన్ కి ఇక వ్యాఖ్యానం అవసరమా? ఈ కార్టూన్ గీసిన కేశవ్ “కార్టూన్ ఎంత నిశ్శబ్దంగా ఉంటే అంత ప్రభావవంతంగా ఉంటుంది” అని చెబుతారు. అందుకే ఆయన తన కార్టూన్ లకి, ఎప్పుడో తప్పదు అనుకుంటే తప్ప వ్యాఖ్యానం ఇవ్వరు. జలాంతర్గామి అంటేనే రహస్య ఆయుధం అని లెక్క! సముద్రం అడుగున రహస్యంగా దాగి ఉండాల్సిన స్కార్పీన్ ఒడ్డుకు కొట్టుకొని రావడం బట్టి దానికి బాధ్యత వహించవలసిన వాళ్ళు ఎంత బాధాతాయుతంగా ఉన్నారో తెలిసిపోతున్నది. స్కార్పీన్…
మోడి రాజకీయాలు, దళిత ఓట్లు మధ్య నెలకొన్న సంబంధాన్ని వివరించడానికి, బహుశా, ఇదే గొప్ప పోలిక! ముందు అఖిల్లెస్ హీల్ అంటే ఏమిటో చూద్దాం. ఇది చాలా మందికి తెలిసి ఉండవచ్చు, ఐనా రికార్డు కోసం, తెలియని వాళ్ళ కోసం, వివరిస్తాను. గ్రీకు పురాణాల్లో అఖిల్లెస్ ఒక పాత్ర. మహాభారతంలో దుర్యోధనుడి తొడలతో అఖిల్లెస్ పాదాన్ని పోల్చవచ్చు. అఖిల్లెస్ పుట్టుక నాడు అతను యవ్వనంలోనే చనిపోతాడని జ్యోతిష్కులు చెబుతారు. ఆమె తల్లి ధేటీస్ అతన్ని శక్తివంతుడ్ని చేయాలని…
భారత ప్రజాస్వామ్యాన్ని రోడ్ రోలర్ తో తొక్కిపారేసినా చివరి క్షణంలో నైనా లేచి నిలబడుతుందని, తొక్కుడుదారులను ఎత్తి కుదేస్తుందని చెప్పటం బాగానే ఉంది గానీ, జరిగింది అదేనా అన్నదే అనుమానం! రోడ్డు రోలర్ బి‌జే‌పి చిహ్నం కమలాలను శ్వాసించటం సరైన పోలిక! రోడ్ రోలర్ లో ప్రధాన తొక్కుడు గాను/చక్రం ప్రధాన మంత్రి గానూ, డ్రైవర్ ను అమిత్ షా గానూ చెప్పటం ఇంకా సరైన పోలిక! రోడ్డు రోలర్ కలర్ విషయం వేరే చెప్పాలా?!
ఇన్నాళ్లూ కాంగ్రెస్ పార్టీ నేతలపై, ముఖ్యంగా సోనియా గాంధీ, రాహుల్ గాంధీలపై దాడి చేయడమే పనిగా పెట్టుకున్న సుబ్రమణ్య స్వామి ఇటీవల చూపు తిప్పారు. పైకి ఆర్ధిక శాఖ నియమిత అధికారులను లక్ష్యం చేస్తూ లోపల ఆర్ధిక మంత్రి జైట్లీని సాధిస్తున్నారు. సుబ్రమణ్య స్వామి ఓ శుభ దినాన ఆర్‌బి‌ఐ గవర్నర్ రఘురాం రాజన్ ను లక్ష్యంగా చేసుకుంటూ ట్విట్టర్ వేదికగా దూషణలు రువ్వటం ప్రారంభించినపుడు ఆయన లక్ష్యం ఎవరో త్వరగా అర్ధం కాలేదు. తన దూషణల్లో…
అందరిలాగే కార్టూనిస్టులూ బ్రెగ్జిట్ కు స్పందించారు. వారి వారి ప్రయోజనాలకు తగినట్లుగానే ఆయా పత్రికలు, కార్టూనిస్టులు స్పందించారు. బహుళజాతి కంపెనీల పోషణలోని పశ్చిమ పత్రికలు బ్రెగ్జిట్ ఓటును దూషిస్తూనో, ఎకసక్కెం చేస్తూనో కార్టూన్ లు ప్రచురించగా బ్రెగ్జిట్ సానుకూలుర స్పందన కాస్త వాస్తవాలకు దగ్గరగా తమ గీతల్లో స్పందించారు. ఈ రెండో రకం కార్టూన్ లు వ్యక్తిగతంగా ట్విట్టర్ ద్వారా మాత్రమే పబ్లిష్ చేసుకునే అవకాశం లభించింది. మొదటి రకం కార్టూన్ లకు ప్రధాన స్రవంతి పత్రికలలో…
ఒక అంశాన్ని కార్టూన్ ల కంటే శక్తివంతంగా వివరించేవి మరొకటి ఉండవేమో. రేపు బ్రెగ్జిట్ రిఫరెండం జరగనున్న నేపధ్యంలో ఇంటర్నెట్ నుండి సేకరించిన కొన్ని కార్టూన్ లు చూడటం వల్ల రేపు జరిగే పరిణామాన్ని ‘అటైనా/ఇటైనా’ అర్ధం చేసుకునే అవకాశం లభిస్తుంది. కింది కార్టూన్ లలో 10వ (మూడో వరసలో రెండవది) వాస్తవానికి అత్యంత దగ్గరగా ఉండటం గమనించవచ్చు.
ప్రథాన మంత్రి మోడి గారి చెంచా గారు పహ్లాజ్ నిహలానీ పుణ్యమా అని ఉద్తా పంజాబ్ సినిమాకు ఖర్చు లేకుండా బోలెడు ప్రచారం దక్కింది. ఇప్పుడు విడుదల అయి ఘన విజయం సాధించటమే తరువాయి అన్నంతగా ప్రచారం పొందిన ఉద్తా పంజాబ్ కి ఎ సర్టిఫికెట్ ఇచ్చినట్లు నిన్న సి‌బి‌ఎఫ్‌సి అధిపతి నిహలానీ ప్రకటించారు. ఆ సందర్భంగా ఆయన మాట్లాడుతూ “మా పని మేము చేశాం. ఇక దానిపై కోర్టుకు వెళతారా లేక అలాగే విడుదల చేస్తారా…
జాతీయ అంతర్జాతీయ వార్తలు, విశ్లేషణ 