గుజరాత్ లో మత కొట్లాటలు, 140 మంది అరెస్టు -ఫోటోలు


గుజరాత్ లో మరోసారి మత పరమైన అల్లర్లు చెలరేగడంతో ఆందోళన వ్యక్తం అవుతోంది. భారత ప్రధాని నరేంద్ర మోడి పోటీ చేసి, అత్యధిక మెజారిటీతో గెలిచి, అనంతరం వదులుకున్న వదోదర నగరంలో ఈ అల్లర్లు చెలరేగాయి. ‘వసుధైక కుటుంబం’ భారత దేశ సిద్ధాంతం అని న్యూయార్క్, వాషింగ్టన్ డి.సిలలో ప్రధాని చెప్పుకుంటున్న సమయంలోనే ఆయన పోటీ చేసిన వదోదరలో మత కొట్లాటలు చెలరేగడం గమనార్హమైన విషయం.

గత గురువారం నుండి వదోదరలో అల్లర్లు జరుగుతున్నాయని తెలుస్తోంది. ఫేస్ బుక్ ఖాతాదారు ఒకరు పోస్ట్ చేసిన బొమ్మ ముస్లిం మతాన్ని అవమానించేదిగా ఉండడంతో అల్లర్లు ప్రారంభం అయ్యాయని గుజరాత్ పోలీసు అధికారులు చెప్పారు. ఫేస్ బుక్ పోస్ట్ చేసిన వ్యక్తిని సునీల్ రాహుల్ జీ గా పోలీసులు గుర్తించారు. శనివారం నాడు ఒకరు, ఆదివారం నాడు మరొకరు కత్తిపోట్లకు గురి కావడంతో అల్లర్లు తీవ్రరూపం దాల్చినట్లు తెలుస్తోంది. రాష్ట్ర రిజర్వ్ పోలీసు బలగాలను తరలించామని పరిస్ధితి అదుపులో ఉందని పోలీసులు ప్రకటించారు.

అల్లర్లకు పాల్పడుతున్నవారిని గుర్తించి పోలీసులు అరెస్టులు చేశారు. ఇప్పటివరకు 140 మందిని అరెస్టు చేశారని రాయిటర్స్ పత్రిక తెలిపింది. భారత పత్రికలు అరెస్టుల సంఖ్యను 40 అని చెబుతున్నాయి. రాహుల్ జీ ని అరెస్టు చేసి సెక్షన్ 295 A కింద కేసు పెట్టామని, ఐ.టి చట్టం సెక్షన్ 65, 66 ల కింద కూడా కేసు నమోదు చేశామని పోలీసులు తెలిపారు.

కత్తిపోట్లకు గురయిన సంఘటనలు రెండు జరిగాయని పోలీసులు తెలిపారు. కత్తి పోట్లకు గురైన వారు, కత్తి పోట్లకు బాధ్యులుగా పోలీసులు గుర్తించినవారు ఇరువురు ఒకే మతానికి చెందినవారుగా కొన్ని పత్రికలు తెలిపాయి. అయితే పోలీసులు చెప్పని మరో కత్తిపోట్ల సంఘటన కూడా జరిగిందని, దుండగులు ముసుగులు ధరించి వచ్చి ఒక వ్యాపారిని పొడిచారని పత్రికలు తెలిపాయి. ఒక కత్తిపోటు సంఘటనలో నిందితుడు సంజయ్ బాగ్ గా నవపురా పోలీసులు గుర్తించారని ఇండియన్ ఎక్స్ ప్రెస్ పత్రిక తెలిపింది. సంజయ్ బాగ్ బి.జె.పి పార్టీ కార్యకర్త అని, ఆయన అక్రమ మద్యం వ్యాపారి అని పత్రిక తెలిపింది.

ఫేస్ బుక్ పోస్టుకు వ్యతిరేకంగా ఒక మతానికి చెందిన జనం గుంపులు గుంపులుగా అల్లర్లకు, విధ్వంసానికి దిగారని అనంతరం ప్రత్యర్ధి మతానికి చెందినవారు కూడా దాడులకు పాల్పడ్డారని పోలీసులు, పత్రికల ద్వారా తెలుస్తోంది. ఇక అనంతరం ఎవరు ముందు అన్న గీత చెరిగిపోయింది. పరస్పరం రాళ్ళు రువ్వుకుంటూ, వాహనాలు తగలబెడుతూ, షాపులు ధ్వంసం చేస్తూ అల్లర్లు నగరంలోని ఇతర ప్రాంతాలకు పాకాయి.

ఇండియన్ ఎక్స్ ప్రెస్ పత్రిక ప్రకారం ఆదివారం వఘాడియా రోడ్డులోని కళాదర్శన్ చార్ రాస్తా ఏరియాలో 28 యేళ్ళ టీ వ్యాపారిని వెనక నుండి కొందరు వ్యక్తులు కత్తితో పలుమార్లు పొడిచారు. టీ వ్యాపారి పేరు శైలేష్ రాజ్ పుట్ అని పత్రిక తెలిపింది. మధ్యాహ్న భోజనానికి ఇంటికి వెళ్ళి వస్తుండగా ఈ ఘటన జరిగింది. ముసుగులు ధరించిన వ్యక్తులు శైలేష్ ని పొడిచారని ఇండియన్ ఎక్స్ ప్రెస్ తెలిపింది. వెంటనే ఆయనను ఆసుపత్రిలో చేర్చి చికిత్స అందించారు. రాష్ట్ర రిజర్వు పోలీసులను ఏరియాలో దించారు.

రెండో కత్తిపోటు ఘటన మహేంద్ర దంగి అనే 48 సం.ల వ్యాపారి పైన జరిగింది. మంగళ్ బజార్ లో ఆయనపై దాడి జరిగిందని ఆయనను కూడా వెనుక నుంచి వచ్చి పొడిచారని తెలుస్తోంది. వీరు ముసుగుల్లో వచ్చారా ఎలా వచ్చారు అన్నది పత్రిక సమాచారం ఇవ్వలేదు. మంగళ్ బజార్ లోనే మరో వ్యాపారిపై దాడి జరిగినప్పటికి ఆయన పోలీసులకు రిపోర్ట్ చేయడానికి ఇష్టపడలేదని పత్రిక తెలిపింది.

ఆయూబ్ హసన్ భాయ్ అనే పేరుగల హిస్టరీ షీటర్ ను పోలీసులు అదుపులోకి తీసుకున్నారని కొన్ని పత్రికలు తెలిపాయి. అయితే ఆయన కొన్ని వారాలుగా పరారీలో ఉన్నాడని, ఇప్పటి మత అల్లర్లకు బాధ్యుడన్న సమాచారం పోలీసుల వద్ద లేదని ఇండియన్ ఎక్స్ ప్రెస్ తెలిపింది.

సోమవారం మరో అల్లర్ల ఘటన జరిగినట్లుగా పత్రికలు నివేదించలేదు. పరిస్ధితి అదుపులో ఉందన్న పోలీసు అధికారుల ప్రకటనలు మాత్రమే ప్రచురించాయి. అల్లర్లు వేగంగా వ్యాపించడంతో పోలీసులు మొబైల్ ఇంటర్నెట్ సేవలను బంద్ చేయించారు. పోలీసులు, ఎస్.ఆర్.పి.ఎఫ్, ఆర్.పి.ఎఫ్ బలగాలను అన్ని సెంటర్లలోను దించి పహారా కాయిస్తున్నారు.

అయితే ఈ చర్యలను 2002 నాటి దాడుల సందర్భంగా పోలీసులు ఎందుకు చేపట్టలేదన్నదే ఇప్పటికీ సమాధానం దొరకని ప్రశ్న. కాపాడమంటూ వెళ్ళిన జనానికి ‘మిమ్మల్ని రక్షించవద్దని మాకు పై నుండి ఆదేశాలు వచ్చాయి’ అని చెప్పిన పోలీసులు తమ బాధ్యత తాము నిర్వర్తించి ఉంటే చాలా ప్రాణ నష్టాన్ని నివారించి ఉండేవారు కాదా? అప్పటికీ, ఇప్పటికీ అనేకమంది సమాధానం ఇవ్వడానికి ఇబ్బంది పడే ప్రశ్న ఇది. ఈ రోజు తమ నేత వాషింగ్టన్ లో, న్యూయార్క్ లో భారత దేశ ‘వసుధైక కుటుంబం’ సిద్ధాంతం గురించి గొప్పగా చెప్పుకుంటున్నారు గనుక, ఆ సందర్భానికి తగిన వాతావరణం ఇక్కడ ఉండాలి గనుక చట్ట బద్ధ బలగాలు పని చేసేలా చూస్తారా?

టు సర్కిల్స్ వెబ్ సైట్ ప్రకారం ఇప్పుడు కూడా పోలీసులు ఇదే తరహాలో వ్యవహరిస్తున్నారు. తమ ఇళ్ళల్లోకి చొరబడి పోలీసులు బూతులు తిడుతున్నారని, సామానును ధ్వంసం చేసి వెళ్తున్నారని, తమ వాహనాలను తగలబెట్టారని ముస్లింలు ఆరోపిస్తున్నారు. ఇదే నిజం అయితే అల్లర్లను నిరోధించడం మాని పోలీసులే అల్లర్లకు దిగారని అర్ధం చేసుకోవాల్సి ఉంటుంది. వదోదర లోని లెఃరిపుర దర్వాజా ఏరియాలో బైక్ ప్రమాదం జరిగిందని ఇందులో ఇరు మతాలవారు ఉండడంతో అల్లర్లు మొదలయ్యాయని టూ సర్కిల్స్ తెలిపింది. ఫేస్ బుక్ పోస్ట్ ఘటన బైక్ ప్రమాద ఘటనకు తోడైందని తెలిపింది. ఫేస్ బుక్ కు నిరసనగా ముస్లింలు రాహుల్ జి ఇంటిపై రాళ్ళు వేశారని, వారికి ప్రతీకారంగా అవతలివారు కూడా రాళ్ళు వేయడంతో ఘటన పెద్దదై విస్తరించిందని తెలిపింది.

ఈ రెండు ఘటనలకు ముందు మరో ముఖ్య ఘటన చోటు చేసుకుంది నవరాత్రి సందర్భంగా గుజరాత్ లో గర్బా డ్యాన్స్ ప్రదర్శనలు జరుగుతాయి. ఈ ప్రదర్శనల్లో ముస్లింలు కూడా పాల్గొనడం ఒక ఆచారంగా తెలుస్తోంది. లవ్ జిహాద్ కు నిరసనగా ఈసారి గర్భా డ్యాన్స్ లో ముస్లింలు పాల్గొనకుండా నిరోధించాలని వి.హెచ్.పి, బి.జె.పి లు పిలుపు ఇచ్చాయి. పండగ ఉత్సవంలో పాల్గొనేందుకు అందరూ అర్హులే అని గుజరాత్ హోమ్ సెక్రటరీ ఎస్.కె.నందా, పోలీసులు ప్రకటిస్తూ వచ్చారు. ఈ నేపధ్యంలో గుజరాత్ లోనూ ఇతర మరికొన్ని రాష్ట్రాల్లోనూ వాతావరణం మతపరంగా ఛార్జ్ అయి ఉంది. అల్లర్లు చెలరేగడానికి తగిన పరిస్ధితులను ఏర్పరించింది ఇదే. నవరాత్రి ప్రారంభం అయింది గురువారమే కావడం గమనార్హం.

ఇంకా ఘోరం ఏమిటంటే గర్భా ఉత్సవంలో పాల్గొనేందుకు ముస్లింలూ అర్హులే అన్నందుకు గుజరాత్ హోమ్ కార్యదర్శిని వి.హెచ్.పి తీవ్రంగా హెచ్చరించడం. అహ్మదాబాద్ వి.హెచ్.పి కార్యదర్శి ఓ ప్రకటనలో ఇలా ప్రశ్నించారు. “నందా ఏమన్నా మత నాయకుడా? జగన్నాధ ఆలయంకు సంబంధించిన ఆయన బంధువులు ఆలయంలోకి ముస్లింలను అనుమతిస్తారా? ముందు ఆయన మసీదులపై లౌడ్ స్పీకర్లను కట్టడి చేయాలి. ఆ తర్వాతే ఆయన గర్భాలో లౌడ్ స్పీకర్లను నిషేదించాలని ఆదేశాలు ఇవ్వాలి.”

హిందూ మతం పరమత సహాన శీలి అనీ, అందరినీ తనలో ఇముడ్చుకుంటుందని, అన్ని మతాల వారిని సమాదరిస్తుందని పలువురు హిందూ మత పెద్దలు తరచుగా చెప్పే మాట. అనేకమంది హిందువులు కూడా ఆ విలువను నమ్ముతారు కూడా. కానీ వి.హెచ్.పి నాయకుడి ప్రకటన ఇందుకు విరుద్ధంగా ఉంది.

గుజరాత్ అల్లర్ల వార్తను ది హిందు పత్రిక పెద్దగా కవర్ చేయకపోవడం ఒకింత చోద్యంగా కనిపిస్తోంది. ఎన్.డి.టి.వి, ఇండియన్ ఎక్స్ ప్రెస్, టైమ్స్ ఆఫ్ ఇండియా, ఫస్ట్ పోస్ట్, డి.ఎన్.ఏ, జీ న్యూస్ తదితర భారతీయ పత్రికలతో పాటు రాయిటర్స్, బి.బి.సి లాంటి పశ్చిమ పత్రికలు సైతం వదోదర అల్లర్లను విస్తృత స్ధాయిలో కవర్ చేశాయి. ది హిందు పత్రిక చిన్నపాటి వార్తలతో సరిపుచ్చింది. బహుశా

ప్రకటనలు

One thought on “గుజరాత్ లో మత కొట్లాటలు, 140 మంది అరెస్టు -ఫోటోలు

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు / మార్చు )

ట్విటర్ చిత్రం

You are commenting using your Twitter account. నిష్క్రమించు / మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు / మార్చు )

గూగుల్+ చిత్రం

You are commenting using your Google+ account. నిష్క్రమించు / మార్చు )

Connecting to %s