ఈ వారం ఈనాడు పత్రికలో ఫిస్కల్ డెఫిసిట్, రెవిన్యూ డెఫిసిట్ ల గురించి చర్చించాను. మార్కెట్ ఎకానమీ ఉన్న ఆర్ధిక వ్యవస్ధల్లో ఫిస్కల్ డెఫిసిట్ (కోశాగార లోటు) కు అత్యంత ప్రాధాన్యం ఉంటుంది. దేశంలో ఆర్ధిక సంక్షోభ పరిస్ధితులు నెలకొని ఉన్నప్పుడు, “మన ఎకనమిక్ ఫండమెంటల్స్ స్ధిరంగా ఉన్నాయి. ఇబ్బందేమీ లేదు” అని ఆర్ధిక మంత్రులు, ప్రధాన మంత్రులు మేకపోతు గాంభీర్యంతో చెబుతుంటారు. అలాంటి ఫండమెంటల్స్ లో ఫిస్కల్ డెఫిసిట్ ఒకటి.
ప్రభుత్వాలు రాబడి కంటే ఖర్చు ఎక్కువ చేస్తే అది ఫిస్కల్ డెఫిసిట్ కు దారి తీస్తుంది. ఇంతకుముందు భాగాల్లో చర్చించినట్లు గతంలో ఫిస్కల్ లోటు అసలేమీ లేకుండా బడ్జెట్ లు ప్రతిపాదించడమే తెలివైన ఆర్ధిక నిర్వహణగా భావించేవారు. కానీ సంక్షోభాల ఉరవడి పెరుగుతూ పోతుండడంతో వాటిని కవర్ చేసుకోవలసిన అవసరం పెట్టుబడిదారీ వర్గాలకు వచ్చింది. వారి అవసరాన్ని జాన్ మేనార్డ్ కీన్స్ తన అగ్రిగేట్ డిమాండ్ సూత్రం ద్వారా తీర్చాడు.
కీన్స్ తర్వాత ఇక ఫిస్కల్ లోటు ఆర్ధిక దుబారాకు సంకేతంగా ఉండడం ఆగిపోయింది. పైగా సంక్షోభం నుండి బైటపడేందుకు లోటు బడ్జెట్ లే అవసరం అన్న సౌకర్యం వచ్చేసింది. ఒక దేశ జి.డి.పిలో ఫిస్కల్ లోటు 3 శాతం వరకూ ఉన్నా ఫర్వాలేదని ఆర్ధికవేత్తలు దాదాపు ఏకాభిప్రాయానికి వచ్చారు. ఆ విధంగా పెట్టుబడిదారీ సంక్షోభాలను కీన్స్ గారి లోటు సిద్ధాంతం ఒక మేరకు కవర్ చేసింది. ఆర్ధిక దుబారాను కొలిచేందుకు రెవిన్యూ లోటు పేరుతో మరో పదబంధాన్ని ప్రవేశపెట్టారు. రెవిన్యూ లోటు అంటే ఏమిటో ఆర్టికల్ లో చూడవచ్చు.
యధావిధిగా: ఈనాడు పత్రికలో ఆర్టికల్ చదవాలనుకుంటే కింది లింక్ క్లిక్ చేయండి.
రెవిన్యూ లోటు ఎందుకు లెక్కిస్తారు?
పి.డి.ఎఫ్ డాక్యుమెంట్ లో ఆర్టికల్ చదవడానికి కింది బొమ్మను క్లిక్ చేయగలరు. డౌన్ లోడ్ చేసుకోవడానికి రైట్ క్లిక్ చేయండి.
