ఈ ఫోటో ఫేస్ బుక్ లో చూశాను. ఈ కుక్కలకు తాము కాపలా కాస్తున్నది ఏ.టి.ఎం కి అని తెలుసో లేదో గానీ ఫోటోకి భలే విలువ తెచ్చి పెట్టాయి.

లేకపోతే ఆ పక్కనే ఉన్న ‘అంబికా వైన్స్’ కి కాపలా కాస్తున్నాయా? కొంపదీసి ఇవి తాగుబోతు కుక్కలు కావు కదా?

కాపలా కాస్తున్నాయో, పడిగాపులు పడుతున్నాయో తెలిస్తే అవి ఏ కుక్కలో తెలుస్తుంది.

కాపలా కాస్తే గనక ఎ.టి.ఎం కి కాపలా కాస్తున్నట్లు. పడిగాపులు పడుతుంటే గనక అది నిస్సందేహంగా అంబికా వైన్స్ కోసమే అయి ఉండాలి.

కుక్కల (పొజిషన్) భాష తెలిస్తే కూడా ఇవి ఏ కుక్కలో తెలియవచ్చు. ఎందుకంటే దాదాపు కుక్కలన్నీ ఒకే పొజిషన్ లో ఉన్నాయి. నీరసంగా, ఇదెక్కడి ఖర్మరా బాబూ అన్నట్లుగా తలలు అటూ ఇటూ వాల్చి ఉన్నాయి. ఈ పొజిషన్ ని బట్టి అవి ఏం చేస్తున్నాయో తెలుసుకోవచ్చేమో.

కుక్కకి గ్రామ సింహం అని పేరు. ఆఫ్ కోర్స్! పట్టణ సింహం, నగర సింహం అని కూడా అనవచ్చేమో. బడా బాబులకు స్టేటస్ సింబల్ కూడా కదా కుక్కలు!