4 thoughts on “టార్చర్ ఛాంబర్ల నుండి దేశాధ్యక్ష పదవి వరకూ…”

1. విశేఖర్ గారూ,
   ఉదయమే హిందూలో ఈ వార్త చదివాను. మంచిగెరిల్లాగా మాజీ నియంతృత్వ ప్రభువుల చేత మన్ననలు అందుకోవడం ఆ ప్రభువులు, వారి తైనాతీ అధికారులు ప్రస్తుతం స్వచర్మ రక్షణ కోసం చేస్తున్న ప్రయత్నాలేమో మరి. నలభై ఏళ్ల క్రితం తాము తలకిందులుగా, నగ్నంగా వేలాడదీసి హింసించిన ఈ యువగెరిల్లా ఇప్పుడు మంచి గెరిల్లా అయిపోయిందని హింసించిన వారే కితాబివ్వడం వెనుక ఖచ్చితంగా స్వప్రయోజనాలున్నాయి.

   ఈ వార్త చదివినప్పటినుంచి మరోసారి నాకు ఇరాన్ మహిళా గెరిల్లా రాసిన “చిత్రహింసల కొలిమిలోంచి” నవల పదే పదే గుర్తుకొస్తోంది. హెచ్‌‌బిటి వాళ్లు పాతికేళ్ల క్రితమే ఈ పుస్తకాన్ని తెలుగులో ప్రచురించారు కూడా.
2. రాజశేఖర రాజు గారూ,

   ఈ కధనం నిజానికి న్యూయార్క్ టైమ్స్ పత్రికది. న్యూయార్క్ టైమ్స్ తో పాటు గార్డియన్, డి.పి.ఎ (జర్మని), అసోసియేటెడ్ ప్రెస్ లాంటి సంస్ధల కధనాలను ‘ది హిందూ’ ప్రచురిస్తోంది. ఇవన్నీ లిబరల్ ముసుగు ధరించే పత్రికలు. ప్రజాస్వామ్యం కి గట్టి మద్దతుదారులుగా ప్రకటించుకుంటూ లిబరల్ ప్రభుత్వాల దురాగతాలను తెలియనట్లు నటిస్తుంటాయి. నిర్ధారణ చేయలేను గానీ ‘ది హిందూ’ కూడా దాదాపు అలాగే కనిపిస్తుంది.

   “చిత్రహింసల కొలిమిలోంచి” పుస్తకం నేను చూసాను. కానీ చదివినట్లు గుర్తులేదు. మీరు చెప్పాక చదవాలని అనిపిస్తోంది. కొని చదువుతాను.

   మీరు ఇచ్చిన లింక్ ద్వారా బాల గోపాల్ గారి ‘దళిత’ సంకలనం చదివాను. ఇంకా కొన్ని పేజీలు మిగిలి ఉన్నాయి. ఆయన తాత్విక చింతన పరిణామం అందులో కనిపిస్తోంది. ప్రారంభంలో కులం పై ఆయన చేసిన రాజకీయ విశ్లేషణ చాలా బాగుంది. ఆచరణలో కులాన్ని ఎదుర్కోవాలో, రేఖామాత్రంగానే అయినా, చక్కగా చెప్పాడు. మీ లింకు ద్వారా నాకా ఉపయోగం కలిగింది. ధ్యాంక్స్ చెప్పడానికి ఈ విషయాన్ని సందర్భం కాకపోయినా ప్రస్తావిస్తున్నాను.
3. విశేఖర్ గారూ,
   ధన్యవాదాలు. బాలగోపాల్ గారి ‘దళిత’ సంకలనం చదువుతున్నారు కదూ. పూర్తిగా చదివాక ముప్పయ్ ఏళ్ల జీవితాచరణలో భావజాల పరంగా ఆయనలో వచ్చిన మార్పులను, మిత్రులకు కూడా శత్రువుగా మారిపోయిన ఆయన వ్యక్తిత్వంలోని సానుకూల అంశాలను తప్పకుండా ఒక కథనం రూపంలో రాసి ప్రచురించండి.

   మార్క్సిజం మూలాలనే ఆయన శంకించి ఉండవచ్చు, విప్లవోద్యమాలు తన పట్ల రాజకీయ సహనభావాన్ని కూడా పూర్తిగా పోగొట్టుకునేంత తీవ్రస్థాయిలో ఆయన ప్రతిహింసా పోరాటాలలో దొర్లుతున్న అపసవ్య ధోరణులను కఠినంగానే ఎత్తి చూపించి ఉండవచ్చు.

   కాని ప్రతిహింసాత్మక పోరాటాలలోని తప్పుడు ధోరణులను ఆయన ఎత్తిచూపడంలో, ఏరకంగానూ బయటి సమాజం సమర్థించలేని విప్లవోద్యమ లోపభూయిష్ట ఆచరణను ఖండించడంలో ఆయన పౌరసమాజం వాణిని మాత్రమే వ్యక్తీకరించారని నా అభిప్రాయం. తన వ్యక్తీకరణలో ఇసుమంత వ్యక్తిగత ప్రయోజనమూ లేదనే నా నమ్మిక.

   బాలగోపాల్ బూర్జువా శిబిరంలో చేరిపోయారనేంత తీవ్ర ఆరోపణలను ఉద్యమాలు ఆయనపై మోపిన సమయంలోనూ, ఆయన పట్ల అవగాహనలో పొరపాటు దొర్లుతోందని నాకు బలంగా అనిపించేది. కాని పౌరహక్కుల ఉద్యమం నుంచి విడివడ్డాక కూడా మిగిలిన 11 ఏళ్ల జీవితాచరణలో ఉద్యమం గురించి ఆయన పల్లెత్తు మాట అనలేదు.

   ఆయన పుస్తకాలు ‘దళిత,’ ‘నిగాహ్,’ ‘రాజ్యం-సంక్షేమం,’ ‘రూపం సారం’ వంటి అచ్చయిన, ఆన్‌లైన్‌లో అందుబాటులో ఉన్న పుస్తకాలను చదివితే ఆచరణలో జరిగే తప్పులు మొత్తం ఉద్యమంపై, సిద్ధాంతంపై ఎంత చెడు ప్రభావం వేస్తాయి అనే అంశంపై తన ఆవేదన స్పష్టంగా బోధపడుతుంది.

   “మన వామపక్ష ఉద్యమాలలో మొదటినుంచీ కూడా కలుపుకుని పోయి ఐక్యంగా, బలంగా, ఉమ్మడిగా ఉండేకంటే కూడా ఎవరికి వాళ్లు చీల్చుకుని పోయేటటువంటి పోకడే ఎక్కువ. అది ఇవ్వాళ చాలా దూరం పోయింది.”
   “ఒకనాడు ప్రజలలో మన దీర్ఘకాలికమైన బాగుకోసం, రేపటి బాగు కోసం ఇవ్వాళ త్యాగం చేద్దాము అనేటటువంటి ఒక రాజకీయ గుణం, సామాజిక గుణం కూడా బలంగా ఉండింది. ఎక్కడో అది కూడా దెబ్బతినింది.”
   “సామ్రాజ్యవాదమనేది పెట్టుబడిదారీ వ్యవస్థ అనేది ఒక వ్యక్తి కాదు. దానికి ప్రతినిధి ఒక వ్యక్తి కాదు, ఒక చోటు, ఒక స్థలం కాదు – అదొక విస్తృతమైన సామాజిక సంబంధం. ఆ విస్తృత సామాజిక సంబంధానికి వ్యతిరేకంగా చేసే పోరాటమనేది చాలా మెలకువతో, విజ్ఞతతో వ్యవహరించవలసిన అవసరముంటుంది.”
   “ఇప్పుడు మన దేశమే కాదు, ప్రపంచ వ్యాప్తంగా నయా ఉదారవాదం అనేటటువంటి ఆ ఫిలాసఫీలో చాలా కీలకమైన ఆలోచన ఏమిటంటే ఎవరి వనరులతో వాళ్లు తమకున్న సామర్థ్యం మేరకు ప్రయోజనం పొందుతూ పోతారు. వనరులు లేనివాళ్లు చస్తారు. బతికితే బతుకుతారు. వనరులున్న వాళ్లనుంచి ఏమయినా కొంత రాలితే వీళ్లు ఏరుకుని తింటారు అనే ఫిలాసఫీ ఒకటి ఇవాళ ప్రపంచవ్యాప్తంగా ఆర్థికవ్యవస్థను శాసిస్తోంది. వనరులు అనేవాటిని ప్రభుత్వం ప్రయత్నపూర్వకంగా ప్రజానీకానికి జీవనాన్ని కల్పించే రూపంలో అభివృద్ధి చేయాలనే ఆలోచన పూర్తిగా పక్కకు పోయి వనరులు ఉన్నవాడిదే సొత్తూ..లేనివాళ్లకు లేవు వాళ్లకు బతుకు ఉండేదీ లేనిదీ పరిస్తితులను బట్టి ఉంటుంది అనే ఒక అబిప్రాయం వచ్చింది.”

   ఈ అభిప్రాయాలను వెలువరించిన వ్యక్తి ఏ శిబిరంలో ఉండాలో అర్థమవుతుందా విశేఖర్ గారూ, కాని పౌరహక్కుల భావనపై కొత్త కాంతి ప్రసరించిన ఈ మనిషిని దూరం చేసుకున్నారు. ఉద్యమం ఉనికికే భంగకరంగా మారుతున్న ధోరణులను ప్రశ్నించిన వ్యక్తిని వెలి వేసినంత పని చేశారు.

   నేను ఇంతకు ముందు కూడా మీ బ్లాగులోనే మన దేశ కమ్యూనిస్టు ఉద్యమంలో రాజకీయ సహనభావం లోపించడం గురించి వ్యాఖ్యానించాను. దశాబ్దాలుగా ఉద్యమంలో కొనసాగిన వారు కూడా పార్టీ పంధాను కాస్త వ్యతిరేకిస్తే చాలు.. ఇక మనుషులే కాకుండా పోతారు. 3వ ప్రపంచ దేశాలకు మాత్రమే పరిమితమైన ఈ పెడధోరణి పార్టీకి, ఉద్యమానికి బయట మనిషి మనుగడనే ప్రశ్నార్థకం చేస్తోందేమో మరి.

   దళిత సంకలనం పూర్తయ్యాక మీరు బాలగోపాల్ ఉపన్యాసాల సంకలనం ‘రాజ్యం-సంక్షేమం’ని తప్పకుండా చదవండి. perspectives ప్రచురణలు తీసుకొచ్చిన ఈ పుస్తకంలోని ప్రతి రచనా స్ఫూర్తిదాయకమైనదే. చివరలో ఉన్న ‘చైనా ఆర్థికాభివృద్ధి – సింహావలోకనం’ అనే పెద్ద వ్యాసాన్ని తప్పకుండా చదవండి. ఈ మనిషిని ప్రజా ఉద్యమం ఎలా దూరం చేసుకుందా అనిపిస్తుంది.

   బోల్షెవిక్కులు రష్యాలో తిరుగుబాటు చేసి 1917లో మెన్షెవిక్కుల ప్రభుత్వాన్ని కూల్చినప్పుడు బోల్షివిక్కుల నేత లెనిన్, రష్యాలో మార్క్సిస్ట్ తత్వవేత్త, మెన్షవిక్కుల సమర్థకుడైన ప్లెహనోవ్‌ను, బోల్షెవిక్ శ్రేణులు ఎక్కడ నిర్బంధంలోకి తీసుకుంటాయో అని గాభరాపడి ప్లెహనోవ్‌ని ఏమీ చేయవద్దని డిక్రీ జారీ చేశాడని మనం చదువుకున్నాము.

   విప్లవోద్యమం పతాక స్తాయికి వెళ్లిన దశలో కూడా, బోల్షెవిక్ సిద్ధాంతాన్ని తీవ్రంగా వ్యతిరేకించిన ప్లెహనోవ్‌ పట్ల లెనిన్ సహనభావం ప్రదర్శించాడు. భారతీయ కమ్యూనిస్ట్ ఉద్యమం నేర్చుకోలేకపోయిన గొప్ప గుణాల్లో ఇదీ ఒకటేమో మరి.

   బాలగోపాల్ రచనల ఆన్‌లైన్ లింక్‌లు

   ప్రాచీన భారతదేశ చరిత్ర (డిడి కొశాంబి మూలరచనకు పరిచయం)

   Click to access 3.MATA%20TATHVAMPAI%20BALAGOPAL.pdf

   రూపం – సారం సాహిత్యంపై బాలగోపాల్

   Click to access 5.RUPAM-SARAM.pdf

   దళిత

   Click to access 6.DALITA.pdf

   చీకటికోణాలు

   Click to access chikatikonalu.pdf

   ప్రజాతంత్ర ప్రత్యేక సంచిక

   Click to access balagopal-special-weekly-oct-18-24-part1.pdf

   రాజ్యం – సంక్షేమం

   Click to access 1.RAJYAM-SANKSHEMAM.pdf

   హక్కుల ఉద్యమం – తాత్విక దృక్పథం

   Click to access hakkula-udyamam-1-2-parts-11.pdf

   హక్కుల ఉద్యమం – తాత్విక దృక్పథం

   Click to access hakkula-udyamam-3-part.pdf

   నిగాహ్ (1998-2003)

   Click to access 2.NIGAH.pdf

   రూపం-సారం : సాహిత్యంపై బాలగోపాల్
   http://blaagu.com/chandamamalu/2012/03/08/%E0%B0%B8%E0%B0%BE%E0%B0%B9%E0%B0%BF%E0%B0%A4%E0%B1%8D%E0%B0%AF%E0%B0%82%E0%B0%AA%E0%B1%88-%E0%B0%AC%E0%B0%BE%E0%B0%B2%E0%B0%97%E0%B1%8B%E0%B0%AA%E0%B0%BE%E0%B0%B2%E0%B1%8D/#comments

   నా ఈ వ్యాఖ్య పరిధిని కూడా మించిపోయిన పెద్ద స్పందనేమో మరి.
4. రాజశేఖర గారు గారు

   ప్రతిహింసా పోరాటాలలోని తప్పుడు ధోరణుల గురించీ, బాలగోపాల్ ను శత్రువుగా ఎంచి దూరం చేసుకోవడం గురించీ మీ అభిప్రాయాలతో ఏకీభవిస్తున్నాను. శత్రువులు కూడా మెచ్చిన రాజనీతిజ్ఞుడుగా లెనిన్ కి పేరు. మావో సైతం శత్రువుల పట్లా, మిత్రుల పట్లా వ్యవహరించవలసిన తీరు గురించి అనేక సందర్భాల్లో వివరించాడు. సమాజ మార్పు కోసం పని చేస్తున్నవారికి ఉండవలసిన ఓర్పు గురించి పదే పదే చెప్పాడు. భారతదేశ విప్లవోద్యమం బాలారిష్టాలతో ఇంకా తీసుకుంటోంది. తప్పుల నుండి గుణపాఠాలు తీసుకోవడానికి దాదాపు అన్ని గ్రూపులూ ఏదో ఒక స్ధాయిలో నిరాకరిస్తున్నాయి. సెక్టేరియన్ ధోరణులను ఎదుర్కొంటున్నాయి. దశాబ్దాల ఎదురు దెబ్బలు సైతం పాఠాలు నేర్పలేకపోవడం ఒక వైపరీత్యమే. ఫ్యూడల్ ధోరణులు విప్లవ పార్టీలలో ‘సమస్యలు సృష్టించే మేరకైనా’ చొరబడ్డాయేమోనని అనిపిస్తుంది.

   మీరు ఇచ్చిన లింక్స్ లో కొన్ని చదివాను. అయినా మళ్ళీ చదివితే ఉపయోగమే తప్ప నష్టం లేదు. అనేకానేక ధన్యవాదాలు.

స్పందించండి

మీ వ్యాఖ్యను ఇక్కడ రాయండి...

Fill in your details below or click an icon to log in:

ఈమెయిలు (తప్పనిసరి) (Address never made public)

పేరు (తప్పనిసరి)

వెబ్‌సైటు

You are commenting using your WordPress.com account. ( నిష్క్రమించు /  మార్చు )

You are commenting using your Twitter account. ( నిష్క్రమించు /  మార్చు )

You are commenting using your Facebook account. ( నిష్క్రమించు /  మార్చు )

రద్దుచేయి

Connecting to %s

దీనిపై కొత్త వ్యాఖ్యలను నాకు ఈమెయిలు ద్వారా తెలియజేయి.

కొత్త టపాలు వచ్చినపుడు నాకు ఈ-మెయిల్ పంపించు.

Δ