అన్నా హజారే పై కాంగ్రెస్ విసిరిన పాచిక పని చేస్తోందా? అవినీతి, లోక్ పాల్ బిల్లుల చుట్టూ తిరిగిన అన్నా హజారే పత్రికా సమావేశాలు కాంగ్రెస్ ఆరోపణలతో ఆవేశపూరితుడై ఒకింత ఆవేదనా పూరితుడై పట్ట కూడని బాట పట్టాడనిపిస్తోంది. “ప్రభుత్వం జన్ లోక్ పాల్ బిల్లునే పార్లమెంటులో ఆమోదించినా నా దీక్ష విరమించేది లేదు. నాపైన ఆరోపణలు చేస్తున్నారు కదా! నాకు వ్యతిరేకంగా ఎఫ్.ఐ.ఆర్ దాఖలు చేసి విచారణ అయినా జరపాలి. లేదా నాపై ఆరోపణలు నిజం…
యూరో జోన్ లో (యూరోను కరెన్సీగా అంగీకరించిన యూరప్ దేశాలు) రుణ సంక్షోభంలో ఉన్న దేశాల్లో స్పెయిన్ ఒకటి. సంక్షోభాన్ని ఎదుర్కొనే పేరుతో అక్కడి ప్రభుత్వం ప్రజలపై పొదుపు బడ్జెట్ నీ, పొదుపు ఆర్ధిక విధానాలనీ ప్రజలపై రుద్ధుతోంది. ఇప్పటికే సగం చచ్చి ఉన్న కార్మికులు, ఉద్యోగులపై మరిన్ని కోతలు, రద్దులు ప్రకటించడంతో వారి కొనుగోలు శక్తి బాగా పడిపోయింది. బ్యాంకులు, కంపెనీలకు పన్నుల రాయితీలు కొనసాగిస్తూ, వీలతై మరిన్ని రాయితీలిస్తూ, ప్రజలపైన పన్నులు బాదుతున్నారు. ఇది…
ఆగష్టు 16 న లోక్పాల్ బిల్లుపై హజారే చేస్తానంటున్న నిరవధిక నిరాహార దీక్ష తేదీ దగ్గరు పడుతున్నకొద్దీ కాంగ్రెస్ పార్టీ పెద్దలతో పాటు, సచివులలో కూడా గుబులు పుట్టిస్తోంది. ఇన్నాళ్ళూ సామ, భేదో పాయాల్లో హజారేతో వ్యవహరిస్తూ వచ్చిన కాంగ్రెస్ పార్టీ, ప్రభుత్వాలు అంతిమంగా దండోపాయానికి దిగిన సూచనలు స్పష్టంగా కనిపిస్తున్నాయి. ప్రభుత్వంలో రాజకీయ నాయకులు, అధికారులు పాల్పడే అవినీతిని విచారించడానికి సమర్ధవంతమైన లోక్పాల్ వ్యవస్ధను ఏర్పాటు చేయాలని అన్నా హాజారే నేతృత్వంలోని సామాజిక కార్యకర్తల బృందం…
ప్రపంచం ఇప్పుడు సంక్షోభాలతో నిండిపోయింది. ఏ పత్రిక చూసినా, ఏ ఛానెల్ చూసినా అమెరికా రుణ సంక్షోభం, యూరప్ రుణ సంక్షోభం, రుణ సంక్షోభం ఆసియాను తాకుతుందా? చైనా, ఇండియాల పరిస్ధితి ఏమిటి? జర్మనీ, ఫ్రాన్సులు యూరప్ని ఒడ్డుని చేరుస్తాయా? ఈ ప్రశ్నలే ఎల్లెడలా! వీటన్నింటికీ అతీతంగా సర్వకాల సర్వావస్ధల యందు కూడా ఆకలి సంక్షోభం లో ఉన్నవారి సంగతి ఎవరికీ పట్టదు, అప్పుడప్పుడూ వచ్చే పరిశోధనాత్మక వ్యాసాలు తప్ప. 2008 ఆర్ధిక సంక్షోభం రాగానే ప్రపంచ…
ఎస్&పి ఆర్ధిక పరంగా అమెరికా రేటింగ్ ని తగ్గిస్తే, ఆఫ్ఘనిస్ధాన్ లో తాలిబాన్, అమెరికాని మిలట్రీ పరంగా రేటింగ్ ని పడదోసిన పరిణామం ప్రపంచ దృష్టిని పెద్దగా ఆకర్షించలేదు. అమెరికాకి చెందిన శక్తివంతమైన ఛినూక్ హెలికాప్టర్ ను తాలిబాన్ కేవలం ఒక రాకెట్ ప్రొపెల్లర్ గ్రెనేడ్ తో కూల్చివేయడం ద్వారా అమెరికాని షాకి కి గురి చేసింది. దాడిలో 19 అమెరికా నేవీ సీల్ కమెండోలు, 7గురు ఆఫ్ఘన్ ప్రభుత్వ సైనికులు చనిపోగా మరో 12 మంది…
“మా నిరసనను తెలియజేయడానికి అనుమతిని నిరాకరించడం ద్వారా, మీరూ మీ ప్రభుత్వమూ మా మౌలిక హక్కులను ఉల్లంఘించడం లేదా? దేశా స్వాతంత్ర్య దినోత్సవానికి రెండు రోజుల ముందే మా స్వాతంత్ర్యాన్ని మీరు లాగేసుకోవడం లేదా? ఏ మొఖం పెట్టుకుని 65 వ స్వాతంత్ర్య దినం రోజున జాతీయ జెండా ఎగరేస్తారు?” తూటాల్లా తాకుతున్న ఈ ప్రశ్నలు భారత దేశ ప్రధాన మంత్రి మన్మోహన్ సింగ్ కు సామాజిక ఉద్యమకారుడు అన్నా హజారే రాసిన లేఖలో వేసిన ప్రశ్నలు.…
యూరోజోన్ గ్రూపుకి ఉన్న రెండు ప్రధాన స్తంభాల్లో ఒకటైన ఫ్రాన్సును రుణ సంక్షోభం తాకింది. ఫ్రాన్సు తన క్రెడిట్ రేటింగ్ AAA రేటింగ్ ని కోల్పోవచ్చన్న ఊహాగానాలు రాను రానూ బలంగా మారుతున్నాయి. మూడు ప్రధాన క్రెడిట్ రేటింగ్ సంస్ధలు ఫిచ్, ఎస్&పి, మూడీస్ లు ఫ్రాన్సు క్రెడిట్ రేటింగ్ కి ఇప్పుడప్పుడే వచ్చిన ప్రమాదం ఏమీ లేదని హామీ ఇస్తున్నప్పటికీ మార్కెట్లు వినిపించుకునే స్దితిలో లేనట్లు కనిపిస్తున్నది. లండన్ అల్లర్లకు బ్రిటన్ ప్రధాని కామెరూన్ తన…
ఆగష్టు నెలలో అమెరికా ఆర్ధిక వ్యవస్ధపై వినియోగదారుల విశ్వాసం మూడు దశాబ్దాల కనిష్ట స్ధాయికి పడిపోయిందని ధామ్సన్ రాయిటర్స్ / మిచిగాన్ యూనివర్సిటీ వినియోగదారుల సెంటిమెంట్ సూచి తెలిపింది. సూచి ప్రకారం జులై నెలలో సెంటిమెంట్ 63.7 శాతం నుండి 54.9 శాతానికి పడిపోయింది. మార్కెట్ అంచనా ప్రకారం ఇది 62 శాతానికి తగ్గవలసి ఉండగా, అంచనాలను తలదన్నుతూ కనిష్ట స్ధాయికి పడిపోవడం గమనార్హం. 1980 ఆగష్టు నెల తర్వాత ఈ స్ధాయికి పడిపోవడం ఇదే ప్రధమం…
‘మానవ స్వభావంలో మార్క్సిజం లో ఇమడని లక్షణాలు ఉన్నాయని’, ‘మార్క్సిజం లో ఖాళీలున్నాయనీ‘, “మార్క్సు చూడనిది మానవ స్వభావంలో ఏదో ఉందని” ఇలాంటి భావాలు మానవ హక్కుల సంఘం నేత బాలగోపాల్ గారు ఒక ధీసిస్ లాంటిది రాశారు. అప్పటివరకూ ఆయన పౌరహక్కుల సంఘం నాయకుడుగా ఉంటూ పీపుల్స్ వార్ పార్టీతో సంబంధాలు కలిగి ఉన్నారు. దానినుండి బైటికి వచ్చి ఆయన మానవ హక్కుల సంఘం పెట్టారు. “పౌర హక్కుల…” నుండి “మానవ హక్కుల…” అనే కాన్సెప్ట్…
“రుణ సంక్షోభంలో ఫ్రాన్సు కూడా! పతనబాటలో అమెరికా, యూరప్ షేర్లు” అన్న టైటిల్ తో నేను రాసిన పోస్టు కింద “అయోమయం జగన్నాధం” గారు రాసిన విమర్శకి ఇది సమాధానం. ముందు మీరు విమర్శలుగా భావిస్తున్నవాటికి సమాధానం. మీకు తెలియని విషయాలని అంత కాన్ఫిడెంట్ గా ప్రస్తావించి తప్పులెన్నాలని ప్రయత్నిస్తున్నందుకు ఒకరకంగా తమర్ని అభినందించవలసిందే. ఒక్కోటీ ప్రస్తావిస్తూ సమాధానం ఇస్తాను. (1) “చివరిగా ‘ది గ్రేట్ రిసెషన్’ కాదు ‘ది గ్రేట్ డిప్రెషన్’ ఏమో” అమెరికాలో రిసెషన్…
2012 ఒలింపిక్ ఆటల సంరంభానికి ఇంకా సంవత్సరం మిగిలే ఉంది. ఒలింపిక్ ఆటలు నిర్వహిస్తామని పోటీపడి గెలిచిన లండన్ నగరం అప్పుడే తగలబడిపోతోంది. దశాబ్దాల తరబడి అసమానతకీ, అవమానాలకీ గురైన తొట్టెన్ హామ్, ఇంకా అలాంటి ప్రాంతాల యువత ఉగ్ర రూపం దాల్చి అల్లర్లై లండన్ నగరాన్ని తగలబెడుతోంది. “లూటీలూ, దహనాలతో మీరు సాధించిందేమిటి?” అని అడిగిన విలేఖరులకి “వేలమందిమి శాంతియుత ప్రదర్శనలు చేసినా అస్సలు పట్టించుకోని మీరు మా దగ్గరికి వచ్చి మరీ ఇప్పుడెందుకా ప్రశ్నని…
దేవుడి పాలనలో ఒక వెలుగు వెలిగిన దైవ కుమారుడికి కష్టాలు వచ్చిపడ్డాయి. న్యాయ వ్యవస్ధ క్రియాశీలంగా మారడం వల్లనో లేదా అది తను నిజానికీ చేయవలసిన పని నిజాయితీగా చేస్తున్నందునో దొంగ దేవుళ్ళ పాపాల సామ్రాజ్యాలు కూలుతున్న శబ్దాలు వినపడుతున్నాయి. అవి పాపాల రాయుళ్ళకు కర్ణ కఠోరంగా ఉంటే, ఆ పాపాలలో సమిధలయిన సామాన్య మానవునికి వీనులవిందుగా తోస్తోంది. న్యాయ నిపుణులు ‘ముందుంది మొసళ్ల పండగ’ అంటున్నారు. జగన్ పాల్పడ్డాడంటున్న నేరాలను బట్టి చూస్తే భవిష్యత్తులో జగన్…
గోధ్రా రైలు దుర్ఘటనను అడ్డు పెట్టుకుని గుజారాత్ లో ముస్లింలపై నెలరోజులకు పైగా నరమేధాన్ని సాగించిన ముఖ్యమంత్రి నరేంద్ర మోడి, ఇప్పుడు, తాను సాగించిన ఘోర కృత్యాలకు సాక్ష్యాలను విచారణా కమిషన్ కు అందిస్తున్నందుకు పోలీసు అధికారులను శిక్షించడానికి నిస్సిగ్గుగా తెగబడుతున్నాడు. గుజరాత్ ముఖ్యమంత్రి నరేంద్ర మోడి ముస్లింల మారణకాండకు స్వయంగా ఆదేశాలిచ్చాడనీ, అ ఆదేశాలిచ్చిన సమావేశంలో తాను కూడా పాల్గొన్నాననీ అయినా తన స్టేట్ మెంట్ ను విచారణ కమిషన్ రికార్డు చేయడం లేదని సుప్రీం…
అమెరికా క్రెడిట్ రేటింగ్ ప్రభావం నుండి తేరుకుని మంగళవారం అమెరికా, యూరప్ దేశాల స్టాక్ మార్కెట్లు లాభాలు చవి చూశాయి. కాని ఆ ఆనందం బుధవారానికి అవిరైపోయింది. యూరోజోన్లో రెండవ శక్తివంతమైన ఆర్ధిక వ్యవస్ధ కలిగి ఉన్న ఫ్రాన్సు కూడా యూరప్ అప్పు సంక్షొభం బారిన పడనుందని అనుమానాలు బలంగా వ్యాపించాయి. దానితో యూరప్, అమెరికా ల షేర్ మార్కెట్లు పెద్ద ఎత్తున అమ్మకాలకు గురైనాయి. రుణ సంక్షోభం దరిమిలా ఫ్రాన్సు క్రెడిట్ రేటింగ్ కూడా తగ్గిపోతుందన్న…
అట్లాంటిక్ సముద్రానికి అవతల ఒడ్డున అమెరికా రేటింగ్ని, స్టాండర్డ్ & పూర్ సంస్ధ AAA నుండి AA+ కి తగ్గించింది. హిందూ మహా సముద్రానికి ఇవతలి ఒడ్డున భారత ప్రజలు ప్రధాని మన్మోహన్ రేటింగ్ని AAA నుండి AA+ కి తగ్గించేశారు. అదే చేత్తో ఇప్పటి దాకా చెప్పుకోదగ్గ రేటింగ్ లు ఏమీ లేని రాహుల్ గాంధీకి అమాంతం AAA రేటింగ్ ఇచ్చేశారు. సి.ఎన్.ఎన్-ఐ.బి.ఎన్ మరియు సి.ఎన్.బి.సి-టి.వి18 సంస్ధల ‘స్టేట్ ఆఫ్ ది నేషన్ పోల్’ ను,…
జాతీయ అంతర్జాతీయ వార్తలు, విశ్లేషణ 