జాతీయ అంతర్జాతీయ వార్తలు, విశ్లేషణ

ముఖ్యమైన జాతీయ, అంతర్జాతీయ ఆర్ధిక, రాజకీయ వార్తలు, విశ్లేషణలు

అమెరికాను డిఫాల్ట్‌నుండి రక్షించిన బడ్జెట్ కంట్రోల్ ఒప్పందం, ముఖ్య అంశాలు


ద్వైపాక్షిక పద్ధతిలో సమస్యను పరిష్కరించుకోవడానికి ప్రయత్నించడం ద్వారా అమెరికా ప్రతినిధుల సభ, సెనేట్, అధ్యక్ష భవనం లు ఆగస్టు 1 తేదీన ఒప్పందం కుదుర్చుకున్నాయి. దాని ద్వారా ఒబామా కోరినట్లుగా అమెరికా రుణ పరిమితి పెంచడానికీ, రిపబ్లికన్లు కోరినట్లుగా బడ్జెట్ ఖర్చుల్ని తగ్గించి తద్వరా బడ్జెట్ లోటు (ఫిస్కల్ డెఫిసిట్) తగ్గించడానికి మార్గం సుగమం చేసుకున్నారని పత్రికలు తెలిపాయి. ఈ ఒప్పందంలోని ముఖ్య అంశాలు తెలుగు పాఠకుల కోసం ఇక్కడ.

రిపబ్లికన్లు, డెమొక్రట్లు పరస్పర అంగీకారంతో ఒక బిల్లుని ఆమోదించడానికి ప్రయత్నాలు చేస్తే దానిని ద్వైపాక్షిక పరిష్కారం (bipartisan approach) అంటారు. ద్వైపాక్షిక చర్చల ద్వారా ఆమోదించిన బడ్జెట్ కంట్రోల్ చట్టంలో ప్రధాన అంశాలను కొన్నింటిని చూద్దాం. ఆగస్టు 2 నాటికి అమెరికా ట్రెజరీలో డబ్బు లేదు. 14.3 ట్రిలియన్ల మేరకు అప్పు తీసుకోవడానికి అనుమతి ఉండగా అది జూన్ నెలలోనే పూర్తయ్యింది. మళ్ళీ అప్పు తేవాలంటే అమెరికా ప్రతినిధుల సభ, సెనేట్ లు ఆమోదం తెలిపాలి. బడ్జెట్ కంట్రోల్ చట్టం ద్వారా మొత్తం 2.4 ట్రిలియన్ డాలర్లు కొత్త అప్పు చేయవచ్చని చట్టంలో ఆమోదించారని చెప్పుకున్నాం. ఇది ఒకేసారి చేయడానికి వీల్లేదు. తక్షణం రుణ పరిమితిని 400 బిలియన్ డాలర్లు (14.3 ట్రిలియన్ల నుండి 14.7 ట్రిలియన్లకు) పెంచడానికి చట్టం అనుమతించింది. దీని ద్వారా ఉద్యోగులలు, మిలట్రీ జీతాలు చెల్లించడం, చేసిన అప్పులు మెచ్యూరిటీ అయితే మొత్తం చెల్లించడం, కొన్నింటిపై వడ్డీలు చెల్లించడం, ఆరోగ్య భీమా ఖర్చులు చేస్తారు. అంటే ఈ మొత్తం మార్కెట్లకు తక్షణం రిలీఫ్ ఇస్తుంది. అమెరికా ట్రెజరీ బాండ్లు కొన్న మదుపుదారులు తమకు రావలసిన మొత్తాన్ని సమయానికి పొందగలరన్న మాట!

ఆ తర్వాత ఫిబ్రవరి 2012 నెలలో మరో 500 బిలియన్లు (15.2 ట్రిలియన్లకు) రుణ పరిమితిని పెంచుకోవచ్చు. దీనిని కాంగ్రెస్ తిరస్కరించవచ్చు. కానీ రాజకీయంగా కుదుర్చుకున్న ఒప్పందం మేరకు అధ్యక్షుడు వారి తిరస్కరణను వీటో చేయవచ్చు. ఈ లోపు అమెరికా బడ్జెట్ లోటులో 2.1 ట్రిలియన్ల మేరకు తగ్గించడానికి తగు చర్యలను ప్రభుత్వం తీసుకోవాలి. ఒప్పందంలో ప్రధాన అంశం ఇదే. దీనివద్దే ఇరుపక్షాలు అన్ని రోజులు చర్చలు జరిపాయి. ప్రభుత్వ బడ్జెట్‌లో లోటు తగ్గించడం రెండు విధాలుగా చెయ్యవచ్చు. ఒకటి పన్నులు వేసి ఆదాయం పెంచుకోవడం. రెండు, అసలు బడ్జెట్ ఖర్చులనే తగ్గించి లోటు తగ్గించడం. ఈ రెండింటినీ వీలుని బట్టి ప్రభుత్వాలు అనుసరిస్తాయి. ఎమర్జింగ్, పేద దేశాలకు అప్పులు, సహాయల పేరుతో సొమ్ములిచ్చి ఐ.ఎం.ఎఫ్, ప్రపంచ బ్యాంకు, పశ్చిమ దేశాల ప్రభుత్వాలు ఒత్తిడి తెచ్చి ఈ రెండింటినీ తమకు అనుకూలంగా అమలు చేయిస్తాయి. ప్రజలపై భారం వేయరాదని ప్రభుత్వం భావిస్తే పన్నులను బడా కంపెనీలు, ధనికుల పైన వేసి, పెట్టుబడిదారులు కంపెనీలకు ఇచ్చే రాయితీలు, సబ్సిడీలను తగ్గించడమో రద్దు చేయడమో చేస్తాయి. ఇప్పటి ప్రభుత్వాలేవీ ప్రజానుకూలం కానందున దానికి సరిగ్గా వ్యతిరేకంగా చేస్తాయి. ఉద్యోగులు, కార్మికులు, ఇతర శ్రామిక వర్గాలపై మరిన్ని కొత్త పన్నులు వేస్తూ, వారి సంక్షేమం కోసం చేసే రాయితీలు, సబ్సిడీల ఖర్చులలో కొన్నింటిని రద్దు చేయడం, మరి కొన్నింటిని కోత పెట్టడం చేస్తాయి. బడ్జెట్ కంట్రోల్ చట్టం కూడా సరిగ్గా అదే ప్రధానంగా చేయబోతున్నది.

అక్టోబరు 2011 నుండి 917 బిలియన్ డాలర్లమేరకు బడ్జెట్ ఖర్చులు తగ్గించే కార్యక్రమం మొదలు కావాలి. నవంబరులో కాంగ్రెషనల్ కమిటీ 1.5 ట్రిలియన్ డాలర్ల ఖర్చు తగ్గింపుకి తగిన సిఫారసులతో నివేదికని సిద్ధం చేయాలి. ఈ కమిటీ ఏర్పాటు చెయాలని చట్టంలో నిబంధన విధించారు. కాంగ్రెస్, సెనేట్‌ల నుండి 12 మంది సభ్యులతో “ప్రత్యేక సంయుక్త కమిటి” వేయాల్సి ఉంటుంది. ఈ కమిటీ కొత్త పన్నులు వేసే సిఫారసులు చేయరాదనీ కన్ని ఉన్న పన్నుల పద్ధతిలో మార్పులు చేయవచ్చనీ నిబంధన ఉన్నట్లు కొన్ని తెలియ జేయగా  మరికొన్ని అలాంటిదేమీ లేదని రాశాయి. మొత్తం ఏదైనా ప్రజలకు ప్రతికూలంగా మార్చ వచ్చు. ఉన్న పద్ధతిని మాత్రమే మార్చాలని నిబంధన ఉంటే పన్నుల ఆదాయాన్ని అలాగే ఉంచుతూ ఎవరెవరి వద్ద ఎంత పన్నులు వసూలు చేయాలో నియమ నిబంధనలు మారుస్తూ నిర్ణయించవచ్చు. ఇది ప్రజలకు ప్రతికూలంగానే ఉంటుందన్నది చెప్పనవసరం లేదు. డిసెంబరులో వచ్చే క్రిస్ట్‌మస్ పండగ నాటికి కమిటీ చేసే నిర్ణయాలను కాంగ్రెస్, సెనేట్ లు ఎటువంటి షరతులు లేకుండా, మార్పులు చేర్పులు లేకుండా ఆమోదించాలి.

ఈ నిబంధన దగ్గర రెండు మార్గాల్ని ఒప్పందం చూపింది. కమిటీ పధకాన్ని కాంగ్రెస్ తిరస్కరిస్తే ఆటోమేటిక్ గా కొన్ని ఖర్చులలో కోతలు అమలులోకి వస్తాయి. ఈ కోతలని గత కొన్ని నెలల చర్చలలో ఇరు పక్షాలు తయారు చేసి ఉంచాయి. ఈ కోతలలోని వివిధ అంశాలు ఇరు పార్టీలకూ అమోదయోగ్యంగా లేవని తెలుస్తోంది. అంటే ఒక పక్షానికి కొన్ని ఆమోదయోగ్యంగా ఉంటే అవి వైరి పక్షానికి అలా లేవు. మరికొన్ని ఒక పక్షానికి ఆమోదయోగ్యంగ లేకపోతే, అవి వైరి పక్షానికి బ్రహ్మాండంగా ఉన్నాయి. వాటిపైన రగడ ఎంతకీ తెగదు. కనుక అక్కడికి వెళ్లకుండానే కమిటీ సిఫారసులని ఇరుపక్షాలూ ఆమోదించేలా పధకం సిద్ధం చేసారు. కమిటీ పధకం తిరస్కరణకి గురైతే అటోమేటిక్‌గా అమలయ్యే కోతలు జనవరిలో మొదలవుతాయి. ఈ కోతల్లో సగం డిఫెన్సు బిల్లులో అమలవుతాయి. మిలట్రీ ఖర్చుల్ని తగ్గించడానికి రిపబ్లికన్లు సాధారణంగా అంగీకరించరు. ఈ కోతలు డిఫెన్సు వరకే కాక హోమ్ లాండ్ సెక్యూరిటీ లాంటి ఇతర విభాగాలకి వర్తించేలా వారు బేరసారాలు సాగించి ఒప్పించారు. ఆ విధంగా డిఫెన్సు పైనే పూర్తి కోతలు అమలు కాకుండా చూడాలని వారి ఆత్రుత. వృద్ధులకు అమెరికా ఫెడరల్ ప్రభుత్వం “మెడికేర్” పధకాన్ని అమలు చేస్తోంది. కోతల్లో భాగంగా మెడికేర్ లో కూడా కోతలు విధించబోతున్నారు. అత్యంత పేదలకి, పెన్షనర్లకీ ఈ కోతలు వర్తించవని చెబుతున్నారు కానీ అమలులో కాని తేలదు.

చివరి భాగం బాలెన్స్‌డ్ బడ్జెట్ కి సంబంధించినది. సమతులిత ఆహారం లాగా సమతులిత బడ్జెట్ అన్నమాట. అంటే భవిష్యత్‌లో ఎంత ఆదాయం వస్తే అంతే ఖర్చు పెట్టడం. ఈ సంవత్సరం చివరిలోపు దీనికి సంబంధించి రాజ్యాంగంలో ఒక సవరణ చేయాలని ఒప్పందం చేసుకున్నారు. కాంగ్రెస్, సెనేట్ లు రెండూ ఈ సవరణపై ఓటింగ్ నిర్వహించాలి. ఉభయ సభల్లొనూ ఈ బిల్లుకి 2/3 వంతు మెజారిటీ ఉండాలి. ఈ సవరణ ఎలాగోలా ఆమోదం పొందితే అప్పుడు అధ్యక్షుడు ఒబామా మరో 1.5 ట్రిలియన్ డాలర్లు (16.7 ట్రిలియన్ల పరిమితి) రుణపరిమితి పెంచుకోవచ్చు. సవరణ ఆమోదం పొందకపోతే కనక ఒబామా 1.2 ట్రిలియన్ డాలర్లు (16.4 ట్రిలియన్ల పరిమితి) మేరకు రుణాన్ని పెంచుకోవచ్చు. సమతులిత బడ్జెట్ సవరణ ఆమోదం పొందే సమస్య అసలు లేనే లేదు. ద్రవ్యోల్బణం పైనా, అప్పుల పైనా నడిచే పెట్టుబడిదారీ ఆర్ధిక వ్యవస్ధలు అవి లేకుండా మనగలగడం అసాధ్యం, అసంభవం. ఆదాయం మేరకు ఖర్చులు చేయాలంటె మొదట నష్టపోయేది ప్రభుత్వాల వద్ద అప్పులు తీసుకునే కార్పొరేట్ బహుళజాతి కంపెనీలే. భారమంతా ప్రజల మీద వెయ్యాలని భావిస్తే కార్మిక వర్గ ఆందోళనలను అమెరికా ప్రభుత్వం మరింత ముందుకు జరుపుకున్నట్లే అవుతుంది.

One comment on “అమెరికాను డిఫాల్ట్‌నుండి రక్షించిన బడ్జెట్ కంట్రోల్ ఒప్పందం, ముఖ్య అంశాలు

  1. Rao Lakkaraaju
    ఆగస్ట్ 04, 2011

    రివ్యూ బాగుంది. థాంక్స్.

స్పందించండి

Fill in your details below or click an icon to log in:

WordPress.com Logo

You are commenting using your WordPress.com account. Log Out / మార్చు )

Twitter picture

You are commenting using your Twitter account. Log Out / మార్చు )

Facebook photo

You are commenting using your Facebook account. Log Out / మార్చు )

Google+ photo

You are commenting using your Google+ account. Log Out / మార్చు )

Connecting to %s

Information

This entry was posted on ఆగస్ట్ 04, 2011 by in అవర్గీకృతం and tagged , , .

మార్గదర్శిని

ఇటీవలి వ్యాఖ్యలు

Thirupaluhi on గ్రెక్సిట్: పెట్టుబడిదారీ సంక్…
Praveen on టి.సి.ఎస్ లే-ఆఫ్ కు సీనియర్ల అ…
చందుతులసి on గ్రెక్సిట్: పెట్టుబడిదారీ సంక్…
విశేఖర్ on గ్రెక్సిట్: పెట్టుబడిదారీ సంక్…
venki on గ్రెక్సిట్: పెట్టుబడిదారీ సంక్…
radhakrishna on గ్రెక్సిట్: పెట్టుబడిదారీ సంక్…
విశేఖర్ on వ్యాపం: సమాచారాన్ని తొక్కిపెట్…
విశేఖర్ on వ్యాపం స్కాం: నిష్క్రియ, అబద్ధ…
నాగశ్రీనివాస on వ్యాపం దర్యాప్తు ముగుస్తోందిట!…
చందుతులసి on కరెంటు ఖాతా లోటు, రెవిన్యూ లోట…
narayna on వ్యాపం స్కాం: నిష్క్రియ, అబద్ధ…
moola on వ్యాపం: సమాచారాన్ని తొక్కిపెట్…
Aadhi Bob Gattum on కరెంటు ఖాతా లోటు, రెవిన్యూ లోట…
Ashok on వ్యాపం దర్యాప్తు ముగుస్తోందిట!…
viseshajna on వ్యాపం: సమాచారాన్ని తొక్కిపెట్…
ఆగస్ట్ 2011
సో మం బు గు శు
« జూలై   సెప్టెం »
1234567
891011121314
15161718192021
22232425262728
293031  

బ్లాగు గణాంకాలు

  • 1,408,215 hits

మిత్రులు

అనుసరించు

Get every new post delivered to your Inbox.

మరో 1,953గురు చందాదార్లతో చేరండి

%d bloggers like this: